بين الغرور والانكسار
أطياف أياد
سامر: مداكدر ضميري يأنبني احس نار بداخلي دتاكلني اكل
وهو حاط ايدة ع گلبة .....
هذا ديوجعني كلش .....
الله يخفف عليك ابني
ويهدي گلبها عليك وگلبك عليها ....
*****************
مرت ايام ولمى مستمرة تجاهلني حاولت اعتذر واتاسف لكن كل محاولاتي اصدهن
لمى: انت شنو يا اخيي متفهم مكفاك الي سويتة بس كلي لوين تريد توصل
سامر: والله ماريد شي بس تسامحيني وتفهميني اقسم بالله مجنت بوعي
لمى: وشتريد مني اصدكك؟؟؟ ... شفت الموت ع ايدك وتريد اصدك تمثيلك
مو بوعيك شنو
سامر: زين كوليلي شسوي حت تسامحيني
لمى: اريد اهلي اريد راحتي اريد حياتي الي سلبتها مني
سامر: ارجعهم الج والله اصلا اليوم راح اروحلهم جنت
بس ظلي عند كلمتج اذا رجعتهم تسامحيني؟
لمى: ....
**************
كلش فرحت بكلامها انطتني امل انو تسامحني
طلعت من البيت واني مقرر بعد الشغل اروح لبيت اهلها
بعد ما خلصت الشغل بالصيدلية ع الساعة ٧ بليل
رحت بوجهي لبيت اهل لمى
باوعت ع بابهم واني احس برتباك جبير خجلان من نفسي ومن الي سويتة
وماعرف اشلون راح اواجهم
دكيت الباب
ياسر والد لمى: منو ؟؟؟
سامر: اني سامر ...
فتح الباب وبصدمة كال انت؟؟؟
سامر: مديت ايدي وجاففت ابوها وكتلة اعذرني جاي بوكت متاخر بس عندي موضوع ضروري احجي وياك
ياسر: بفضول كال اتفضل ابني ...
دخلت وراه واني اتمعن بشكلة
شعرة شيب ولحيتة طويلة وعيونة مليانة حزن
فرق جبير بيت قبل وهسه
من شكلة كدرت اتخيل مدى الالم السببتة لهل عائلة
اذا ابوهم هيج مكسور عمود البيت
كيف حال عائلتة
كعدنا بالاستقبال بعدها بشوي دخل عمار وسلم
ياسر: كوم ابني كلهم يحضرون الجاي
عمار: وهو يخزر بية ... اي يابة
بعد ما طلع عمار ظليت ساكت ماعرف اشلون ابدي الموضوع
اني اباوع ع ابو لمى وهو نفس الشي
تالي كسر الصمت ابو لمى...
اي يا ابني ماكتلي شنو الموضوع الي تريد تحجي وياي ...
جليت صوتي وكلت
سامر : بصراحة ابو عمار اني جاي حت اكو.... قاطعت جملتي بسبب دخول عمار
أنت تقرأ
بين الغرور والانكسار
Diversosمشهد تباوع عليه وعيونها جمر من القهر وخيبة الأمل ظلت تبجي وهي مصدومة من الي سمعتة كالت بصوت مخنوك من العبرة والغصة "ليش هيج معقولة تسوي بيا هيج عفت اهلي علمودك وحاربت الدنيا حت نزوج بالاخير يطلع كل هذا انتقام؟؟" واكف ومكتف ايدة وعلى شفتة انرسمت اب...
