شباب ولكن

الحلقة الاولى

شباب ولكن
الحلقه الأولي 💜

تي اوووووووي يا حمزه
حمزه : نعم يا نصي
ناصر : جبت الفحم يا معلم ؟!
حمزه : تي عيب ياراجل كله واتي ، رن ع الشباب شوفهم وين
ناصر : تم ي الحب
: الوووو ي معلم
علي : صبح ي فتاح
ناصر : تي وتي روحك جايينك في الطريق انا و حمزه
علي : تي مغير عطوني ساعه اخري يارا توا كيف نضت
ناصر : مش مننننك تشليييييط لعند الصبح
علي : الله يفضح بيك ، وجك خليني نصبي ندوش
ناصر : تم حركلي روحك
علي : مغير اسمع تكي ع الطشه قبل اه
ناصر : تم تم
حمزه : شن قالك متاع التشليط هضكي
ناصر : مازال راقد الوسخ ، خلينا نتكو ع الطشة " حسين" قبل

حمزه : تم رنيت عليه وقالي واتي ، سالم قالي عندي كم حاجه ننهيهن و نلحقكم
ناصر : تم ي نصي

تكينا ع الشباب و كملنا أمورنا و طلعنا شور مشرق ، تي صح م عرفتكمش عليا انا و الشباب

انا اسمي حمزه عمري 24 سنه نقرا في كلية الاقتصاد اخر لي سنه  لكن بجو لنقني ماني متاع قرايه ، وكل ما نلقي شغل نتكها عركه مع صاحب الشغل و يلزوني -_-
عندي اختين و اخ واحد

حنين : 22 سنه متجوزه و عندها بنت اسمها حلا
حواء : 15 سنه ، تقرا ثالثة اعدادي
حسام : 33 سنه متجوز و عنده عيل اسمه عبدالله و بنت اسمها سجي
امي اسمها فاطمه ربي يطول في عمرها ، وباتي عبد الله الله يرحمه توفي من كم سنه

اصحابي الشباب
ناصر رفيق "حمزه " عمره 24 سنه و يقرا اقتصاد و يشتغل في العشيه
في محل شباب في شارع 20 عنده اخت وحده عمرها 18 سنه و عائله بسيطه و أمه وباته ربي يطول في عمرهم

علي عمره 20 سنه يقرا طب مزال في البدايه و جعبه بكل وما عندش علي جو البنات و يتخزرط كل ما يشوف بنت نحن نشفطو عليه نقولوله متاع تشليط ، علاوي وحيد هله و حالتهم الماديه تمام بكل "بلبول" بس الحق صباي

حسين الطشه عمره 25سنه و مسيب لقرايا و مكمل حياته شغل و ديما يجري ورا رزقه و حالتهم الماديه ع قدهم هوا وخوته صبو و تمو يشتغلو عنده خو اكبر منه وواحد اصغر منه و اختين توأم" و يقولوله طشه عشان قصير و ورقيق و جسمه مش لعمره بكل" تشوفوه تحسابوه 19 سنه باته مريض وديما مشاكل مع عيت عمه

سالم 22 سنه يقرا هندسة اكبر واحد في خوته و خواته عنده اختين و اخيين ، و ناس علي قد حالهم و باته وامه ديما مشاكل -_-

نردو القصتنا ♡

ناصر : الحمد لله علي السلامه ي شباب
حمزه : الله يسلمك يا نصي
علي : هيا سقدو ارواحكم نبي نطيحلها في البحر ♡
حسين : غريبه ي علاوي مش جايب معاك كتاباتك
حمزه : نقه كان يبي يجعبلنا حتي هنا
علي : تشفطو يا حمير -_- عمبو لي يجي معاكم بكل
ناصر : فوتهم يا جعبة الطب انت ناعليا ناويلها اوائل شكلك
علي : زمري ناض التافه لاخر -_-
حمزه : هههههههههه مغير اسمعو سالم نص ساعه و يطق فينا دكيتا في دجاج قتله جيبه معاك
ناصر : ناعليا منك

و خشينا انا و الشباب ووصل سالم و هدرازي و ضحك و شوايات وجو  ، طبعا من بعد الساعه 3 الي هذا اضبط تلفونه و خش يشلط مع الكبيده ، طبعا الا انا و علي ، انا كنت متعارك مع النكد لي عندي و علي راقد من الساعه 1 -_-

حمزه : علي يا علي
علي : نعن *^#** تي شن تبي يارا
حمزه : صبي يارا نطلعو برا جايين نهيجو نحن
علي : يارا تعب الطريق  شن تبي مني
حمزه : الجماعه كلهم يشلطو يارا
علي : و اهو تلفونك جنبك -_- امسكه و شلط
حمزه -_- متعارك معاها

علي : صبي السالم يسكر من وحده ترن لخره خليه يدبرلك شي وحده تمشي لك هالليله الغبره لي شكلها بتجي علي راسي

حمزه : تي وجك ما فيكش جو بكل
صبيت و انا غامتلي بكل لعند امتي و انا هكي كل بعد يومين نتعارك معاها و نجي بعدها ندحنس نراضي فيها تي يارا مليت  ، مش عارف عليش صابر عليها :/ ممكن عشان فتحت فيها ؟! ولا تعودت عليها ، لعند توا مش عارف نحبها ولا لا -_- عنجد هكي وخلاص ، خذيت الدخان و قعدت ندخن و قريب كملت قرطاس قعدت عالحال هضا لعند الساعه 6 الصبح بحتت القيت الجو سمح ، سلحت الكناتيرا و بديت فيها عوامه لعند الساعه 9 طلعت دوشت و طنيتها نومه تقول ماعمري رقدت

سالم : كنه وجه النكد تقول طايح من طياره

علي : ما نندريش عليه امس واعاني من النوم عطيته علي راسه صبي طلع برا معش نندري امتي خش

حسين : شكله طلع يشلط برا

ناصر : تي مغير تريحو خلوه راقد فطنتله فصبح يعوم

حمزه : جايين عند راسي و يقرمو فيا -_- حمير للمليون

ناصر : هههههههههههههه مغير صبي الساعه 1 خلينا ناخذو برمه

صبينا انا و الشباب و مشينا لشحات نبرمو في الاثار "اثار العدو -_-" عموما كنا نبرمو وانا ماسك دخان و عقلي مش معايا بكل طبعا الشباب مش معقبين جهد ما في وحده ما نابشوها و عمك سالم موتي اوراق فيهن رقمه مغير يعزق :/ و علي متخزرط وخاش في بعضه والشباب يشفطو ، وانا نمشي و نفكر و نلقي روحي خاش في بنت خبطت فيها خبطة سودا و الدخان لي في يدي حرق لها شوي من بلوزتها .

البنت : خرفي اهي كملت عاد -_-
حمزه : معلش اسف مش قصدي
البنت : لا عادي يوم اسود من الصبح جايبين لهل اثار يحسابو روحهم يدهورو فيا كان خلوني في الحوش مدمدره -_-
حمزه : هههههههههههههه هههههههههههه
البنت : فاضيه حتي انا نحكي لواحد زيك .
حمزه : اوكي اوكي -_- قلنا اسف ماصار شي كبرتي الشطحه
البنت : خبط فيا لعند راسي برم و حرق لي بلوزتي بهل سم لي في يده و يقولي ما صار شي ، تي حول من قدامي را نحط غلي فيك وعدت وسيباته
حمزه : شنو هالنار الشايطه هذي صبح يل فتاح .

سالم : هههههههههههههههههههههههههه ووووووووه
حمزه : كنك -_-
ناصر : معقوله يا نصي ههههههههههههههه
علي : ههههههههههههه شفتو وجه انتو
حمزه : حي علمه حتي علي يشفط ، و التفت علي حسين ولقاه ماسك ضحكت ، تي كنكم
ناصر ويقلد في صوت البنت : خبت فيا لعند راسي برم
وناض سالم يقلد في صوت البنت : وحرقلي بلوزتي
نط علي ويقلد في البنت ويحرك في يديه : ويقول ماصار شي
حسين : هههههههههههههههههههه معيلت بيك يا باشا
حمزه ماسك ضحكته ع الشباب وهما يقلدو : اوكي اوكي اطلعو خلونا نتغدو كذا .

طلعو الشباب و تغدو وبعدها روحو  و قعدو يومين سماح في مشرق و ما قدروش يطولو لأنه علي سكن لهم بيقرا و سالم م يقدرش يسيب  الشغل

حمزه ........حعلمه 😨😨

#يتبع

#Aya