شباب ولكن

الحلقة التاسعة

شباب و لكن !

الحلقه التاسعه💜

انا شفت الشباب ارتبكو التفتت لقيت ندي اها ندي حبيبتي الي خانتني و قهرتني الي حرقتني في وووووووووسط قلبي لابسه الفيلو الابيض و طالعه و ماسكه في يد راجلها قعدت قعدت نضحك اها نضحككككك بعلو صوتي وانا نضحك بحتت فيا ندي و ارتبكت واااااااااااااعره يااااانااااااس صعععبه تحححححرق تشوف حب حياتك بالفيلو الغيرك ماشية لحوش راجل غيرك بتجيب عيال من حد غيررررررك في اللحظه هذي كنت نضحككك فضحك هستيري م فطنتش الروحي لعند جاني كف قوي

سالم: تي لا ي عليوا ليش هكي

علي: انت ي الي اسمك حمزه بحت الناس كيف تبحت فيك يعني لازم ادير فضيحة تي خلاااااااااااااااص خلاص

وعلي قاعد يهزب فيا ناخذ الدخان يلي في يدي اليمين و نحرق بيه يدي اليسار من فووق طفيت الدخان في يدي بس الالم لي فيا جوا اقوي من حرقة الدخان م حسيتهش بس بردت عليا شويا

حسين : تي لا ي هبببببببل لااااااااااا جيب يدك
سالم : الله يلعن ابليس تي خلااااااااااااص هيا رن علی هلك

حسيت روحي ثقيل كرعيا معش شالني قعدت معش نحق في شي ونسمع في اصواتهم بعييييييييييييد بكللل م فطنتش الروحي إلا وانا طايح من طولي و صوت حواء تقول حي علياااااااااااااااااا حمزززززززززه

*********************
في نفس الوقت

رنا: هديل هيا ناخذو سيلفي بالعبايات

هديل: خوذي بروحك و امسحي الروج يلي في فمك بنطلعو خلاص -_-

رنا : باهي :/

حواء: ناني هذي ماما و هذي حنين اختي

رنا: اهلين اهلين ي عميمه كيف حالك

امي: الحمد لله يا بنيتي

حنين:اهلين ي خيه تشرفنا

حواء: هذي أخت رنا ي ماما هديل

هديل:اهلا وسهلا تشرفنا

امي:بيك اكثر

رنا:هي نستاذنو بابا برا

حواء:حتي نحن طالعين هي تصبحي علي خير نحكو

رنا:قدامك الخير ان شاء الله

طلعن البنات من الصاله

هديل:وين سيارت باتك

رنا:بحتي الهضا كنه يضحك بطريقه هذي

هديل:الشباب ملتمين عليه منحقش فيه

رنا:تي اهوه تي هييييييييييييييي عرفته

هديل:من

رنا: خو حواء لي حكيتلك عليه متاع شحات و مشرق كنه ناقص هكي و طلق اللحيه هيييييي شكله يخوف