شباب و لكن!
الحلقه الواحده و العشرون !
ناصر : امينه نبي نحكي معاكي في موضوع
امينه : امممم تفضل
اصر : انا يا بنت الناس في الأول كنت نقهر بيكي ف اسيل صح اكيد حكت لك نوران اني انا و اسيل علاقه و حب و لنا واجد تكبيد ووقت الي عرفت بيلي داراته اسيل وقتها مش حنقدر نوصف لك حجم الصدمة لي كنت فيها كيف انقهرت و كيف قعدت مصدوم ، لكن بعدها خلاص تماشيت مع الامر الواقع و جيتي انتي ! ☺ ف الاول عجبتيني بس كنت خايف ندير خطوه و انتي يكون في حد في حياتك ولكن بعد عرفت من نوران انك معجبه فيا قعدت نفكر فيكي و معش قدرت نحولك من راسي بمجرد نفكر فيكي نتخيل مستقبلي معاكي و بجد نسيتيني اسيل ، امينه انا انحبك 💞
امينه تسمع في كلام ناصرر و تبكي من كثرة كلامه كيف اثر فيها 💖
ناصر : عليش تبكي لو ما تبينيش عادي
امينه: مش مصدقه انه بعد هضا كله تجي و تقولي انك تحبني 💞 نبكي من الفرحه اكيد اني الانسان يلي من وانا و صغيره نحبه طلع حتي هوا يحبني شن فيه احسن من هكي ؟! حتي انا نحبك واجد و نتمني عمري نكمله معاك 💖 وانتمناك م تسيبنيش و
و أمينه تحكي قاطعها ناصر ؛ معش تحكي شي اسسسسس انا نحبك و انتي تحبيني و هضا المهم ، توا ما فيش داعي تحكي شي و خليها للايام و ح تعرفي ناصر شنو ، تلفونك وين
طلعت امينه تلفونها من جيبها : هاك.
ناصر : اهو سجلتلك رقمي و رنيت علي روحي و بعدين نحكو اكيد 💞
امينه : ان شاء الله
ناصر : خلاص خشي جوا هيا صقع 💖
امينه : هههههه حاضر هيا باي
*****************
و اليوم جو هل حسين امه و خواته عند نهله 💞 و مبدئياً هلها موافقين و ام حسين عجبتها نهله و طبعا مرام و مريم دارن بيها صحبه و تهدريز
حسين : شن صار
مريم : مشالله عليك عرب و عليك حوش 😍😭
الام : والله صبرت و نلت ي حسونه ربي يفرحني بيك ان شالله
حسين متخزرط : ان شاءالله
مرام : العقبالنا
حسين : 😒😒 م تبيش تسكري فمك
مرام : باهي سكتنا
الام : امتي بتشيل باتك و خوالك
حسين : والله انا تو نحكي الباتي و هوا تو يقرر امتي
الام : ربي يتمم علي خير 💞
*********************
حمزه : ازح الامتحانات قربن
سالم : انا السنة هذي سنة تخرج 💔
علي : موفقين
حمزة : بكرا بنمشي معاك للكليه ي علي عندي مووضوع غادي
أنت تقرأ
شباب ولكن
Acakرواية شبابية ، تحكي عن قصة خمس شباب وصداقتهم و حياتهم والمشاكل يلي تواجهم وكيف ح ينتهي بيهم المطاف
