شباب و لكن !
الحلقة الرابعه عشر 💕
اما ناصر روح للحوش تعبان نفسيا بكل و طبعا كان تلفونه متكسر ، خذا الشفره و علقهااا في تلفون قديم عنده من قبل و اول م علقها لقي عرم رسائل من اسيل
"حبيبي وينك!
"رن عليا نبيك ضروري"
ولقي عرم رسائل مكالمات فائته م تعبش روحه قرا اول رسالتين و عزق التفلون وجا يبي يرقد ، بس اذكر كلام الشباب قالو له م تحسسهش بشي ف مسك التلفون و تنهد تنهيدا طويله بكل و حط علي رقمها و رن عليها و هوا في قلبه حقد و كره لها
طووووووووط طووووط و مع ثاني رنه ردت اسيل
اسيل : وينك انت!!!كنك مقفل !!!!!!!
ناصر بدون نيه : خير !😐
اسيل : اووووووف كنك رايح هكي انت!!!!!
ناصر : مريض معنديش جهد نحكي
اسيل : باهي باهي اوكي
سكر ناصر و ضحك ضحكة قهر و كان مقهوووووور بكل ، حاير مش عارف شن يدير ! قعد في فراشه يتقلب يمين و يسار لعند رقد .
*********************
مر اسبووع و م صارش جديد
انا مازلت عايش بجرحي و اهو الحمد لله حنين اختي حامل و حواء مكسده في الحوش هيه و امي واها صح امي تبي تخطبلي وحده من بنات اختها :) بس انا قومت الدنيا و قعدتها و قتلها امتي م نبي نخطب نجي نقولك م تخطبي لي حد !
سالم كان يحكي مع بشري وكان جوهم تمام صح م فيش حد اعترف الحد انه يحبه بس جوهم تمام !! لكن اخر يومين بشري تغيرت قعدة معش ترد عليه وكان ردت تحكي كلمتين و هيه خايفه !!! و باته و امه خفن مشاكلهم .و اخته نجحت و جابلها سالم نت تكسد عليه♡
اما عند بشري فكانت بدت تتعلق ب سالم و كان جوهم تمام و كيف اللي بدت تحبه ، بس فجأة و بدون مقدمات قبل 3 ايام !
خليفه : امممممممي ي اممممممممي
الام : نعم!! كنك تعيط!
خليفه : اسمعي ي امي نبي نحكي معاكي في موضوع !
الام : احكي شن تبي شغلتني !
خليفه : فيه واحد صاحبي متقدم لبشري و لنقنه ماهو عايبه شي !
الام : مازالت صغيرة ي وليدي اختك علي هالخبر !
خليفه : الوليد كويس و محترم و انا عاجبني بكل ! و بعد يجي باتي لنقني نبي نحكي له علموضوع ، الراجل يبي الفتره هذي خطبه مازال مش ح يجوزها توا
الأم : والله ي وليدي احكي الباتك م عندي م نقول انا !
بشري كانت ماشيه شور الصاله تبي تحكي مع امها و فجأه سمعت الكلام انصدمت ! 😢😢😢😢
و زعلت عشان كانت تبي سالم :( و بدت اتعلق بيه ! و قعدت مش عارف كيف تحكي معاه وكل م تسمع صوته حاجه من جوا تقهرها ! فعشان هكي تباعدت عليه!
************************
اما علي ف سمع انه خوات حسين خشن للمعهد وبدا يتحوحز يبي يمشي غادي لكن انا م خليتش يمشي قتله اكيد اول ايام حسين مرات يزرق علي غفله و فوتها الايام هذي و بعدها يسير خير !
أنت تقرأ
شباب ولكن
Randomرواية شبابية ، تحكي عن قصة خمس شباب وصداقتهم و حياتهم والمشاكل يلي تواجهم وكيف ح ينتهي بيهم المطاف
