شباب و لكن !
الحلقة الثانيه عشر !
نطيت من مكاني كنت لابس كناتيره و سروال توته كريت ماليه من الدولاب و طلعت ، لقيته مقعمز فسياره و مولع دخان :///// تي ناصر م يدخنش كيف صار عرفت انه صايرتله حاجه فتحت الباب و ركبت حذاه
حمزه : يستر الله الساعه 2 ونص كنك
ناصر : صكر الباب
صكرت الباب و عمك ناصر طلع يجري حرررررررق العجل و شيطها وانا اطرش في زفه ولا فاهم حاجه
حمزه : ناااااااصر ووووووقققققققفففففففف وقف تيييييي ووووووققققققققققققققفففف
ناصر وقف و ركن السياره ع اليمين
حمزه : شن حركات الهبال هذينا احكي شن فيه ركبك جن !؟؟؟ رنيت عليا واعيتني من النوم قلت باهي طلعتني من الحوش قلت م علينا ، قعدت تجري بسياره كيف المكلوب و قريب ودرت روحك وودرتني وقلت م علينا لكن احككككككيييييي قول شن فيييه شن صار ؟!
ناصر : اسيل تحكي مع واحد آخره و الفلوس لي بتاخذهن مني تبي تعطيهن له الحبيبها الي ماهوش راجل لا وتقول عليا بارد و بليد ")
انا انصدمممممممت من الكلام عشان انا و ناصر عشرت عمر مع بعضنا ع الحلوه و المره و الزينه و الشينه وديما يحكيلي علي اسيل و مواقفهم و مواعيدهم السريه هبالهم حب حياته جرح ناصر يشبه جرحي عشان هكي م تأثرتش واجد بس وجعني صاحبي بكل
حمزه : كيف عرفت !؟
ناصر : سمعت لي صار بوذني م حد كذب عليا ولا قالي
حمزه : كيف صار!
وحكالي ناصر الي صار كككككللللله و انا كنت متأثر معاه و اكتشفت انه الدنيا مش دايما الحد يوم معاك يوم عليك فعلااااا قعدت نواسي في ناصر و نصبر فيه لعند اذن علينا الفجر
حمزه : الله اكبر اشهد ان لا اله الا الله ، هيا اعزق همومك و صبي نخشو لجامع نصلو و صدقني ح اتريح بمجرد انك تخش لجامع.
ناصر : استغفر الله ، سامحني ي ميزو انت مريض وانا زدتها عليك
حمزه : بلكي عيب عليك -_- مش بينا جو البنات هضا ، اهدي بس وزي م انا بديت نتأقلم مع حياتي و امشي اموري و متعود انت ح يسيرلك نفس ما صارلي و ح تأقلم لي صارلك مش اشر من الي صارلي هيا هي نصبو نصلو
ناصر : هي توكلنا علي الله
و صبينا من السياره و توضينا و خشينا للجامع حسيت بناصر تريح صلينا و دعيت لعند بطلت ودعيت الناصر ربي يخفف عليه و طلعنا و م بيتش نسيب ناصر بروحه روحته معايا للحوش و كريتله بطانيه و م لقيتلش مخده و تمبلت ندور -_- عطيته مخدو الصالون
ناصر : عطيني مخدتك جايك ضيف
حمزه : ضيف من -_- انت بتت فلحوش هضا أكثر م نبات انا امشي حل -_-
أنت تقرأ
شباب ولكن
Acakرواية شبابية ، تحكي عن قصة خمس شباب وصداقتهم و حياتهم والمشاكل يلي تواجهم وكيف ح ينتهي بيهم المطاف
