شباب ولكن

الحلقة السادسة

سوري ع التأخير 😭

شباب و لكن !

الحلقة السادسه .

اسيل : تحسبلي فيهن ي ناصر هضا من توا هكي امالا لما نقعد مراتك شن تبي ادير بتقولي ماه السنه لي فاتت عطيتك لالا ي ناصر م يمشيش معايا الجو هذا

ناصر : تي عطيني فرصه نحكي تي اسكتي شويا ، كم تبي؟

اسيل بطمع : 500 ☺

ناصر : شنووووووو نعم ؟ تي انا قاعد نبني عشان نجي نخطبك قاعد نكون في روحي و نحك و نجري و نخدم ليل و نهار و انتي تقولي 500 😧

اسيل  : هففففففففف اوكي اوكي

ناصر : اسمعي.........طوووووووووووط طوط
اها صكرت في وجي :)

حمزه :كنك تحكي مع روحك😒
ناصر : انكلبت 😒 هيا اطلع سخن السياره نلبس كويشي و نجي

حمزه باه -_-

************************

سالم يحكي مع روحه : نرن عليها ولا لا ؟ زعمك نرن؟ تي وعدتها م نرنش انا :/ كني نفكر فيها واجد -_- وهوا يفكر رن عليه حسين

حسين :وينك ؟
سالم :فطريق جايك
حسين :جيب معاك بيبسي و كرت 5 مدار
سالم : بالك تحسابني ضانيك و ناسيك 😒
حسين :جيب م تمزطنيش يا راجل 😒
سالم : تي باهي فلحوش انت؟
حسين :لالا توا مروح فطريق
سالم:هي تم

****************
علي طلع من الجامعه و قاعد عند حوش حسين و دق ع الباب و قعد ماسك تلفونه يدز في مسج الهله انه متغدي برا

مرام : تي صبي افتحي
مريم: تي خطي وجي نسيق
مرام : تي افتحي بلكي حسين ناسي المفتاح
مريم : اوووووف منك تفوه

طلعت مريم مرفعه سروالها عشان تسيق و لابسه توته و رافعه شعرها فوق و طلعت فتحت الباب و هيه ملتفته علي مرام وتهزب
مريم حاطه يدها في وسطها و اليد الاخرى ماسكه بيها السياقه : خش ي حسين وصكر و راك الباب و كانت ملتفته م شافتش من والله تشوفي ي حماره ي مرام نبرك عليك بالعصا يلي في يدي

مرام كانت تشير المريم حركات الاشاره عشان فطنت العلي تفنص و تعض في فمها اسكتي يعني بس مريم لا حياة لمن ينادي

علي كان عاجبه الجو و يبحت فيها و عيونه قلوب بس خاف يجي حسين و يشوفهم و يفهم غلط : احححححم احم 😍😍

مريم بحتت لقت علي وجها قعد الوان الوان قعدت مصدومه عزقت السياقه من يدها و طربقت الباب في وجه اطربيقه سوودا وخشت جوا تجري .
**********
حسين :اووووو علاوي وصلت

علي كان متنح و يذكر في الموقف :اه اها لا مازال م جا

حسين : عنجد هذ -_- علي كنك

علي فطن الروحه : م كني شي يا راجل نفكر في حمزه بس

حسين : ياريتك قلت مليون جنيه اهو درس السياره