شباب ولكن

الحلقة السابعة

شباب و لكن !

الحلقة السابعه 💕

حواء :ماما الاسبوع الي فات كاين عيد ميلادي انا توا 16سنه راه كبرت 👯

امي : بكرا تو تجي حنين اختك و ديرلك مكياجك و شعرك💅💇👠💄👑

حواء :حييييي صح حنين شاطره فالجو هضا باهي تمام 😲😍

******************

مشيت الناصر في الكافي و كنت ساكت م حكيتش حرف😞

ناصر : :جايبني عشان ناخذو جلسة تفنيص و صمت :D

حمزه :بكره زفتها

ناصر انصدم معش عرف شن يدير قعد ساكت و منصدم وحس بحرقة حمزه

ناصر :تبي كلام الحق هيه وحده حقيره و كلام الحق لاخر هيه بكرا بتمشي لحوش راجلها و بتكمل حياتها و تبي تعيش معاه و تبي تشتغل و تقرا و جوها ح يمشي ، باهي و انت ؟؟؟؟؟ تقعد عايش علي ذكراها؟ تذكر في سنينكم وتوقف حياتك ، كذا قولي امتي آخر مره مشيت للجامعه؟؟؟ و امتي اخر مره مشيت لشغل؟ تي انت م صدقت حصلت شغل و ثبتن فيه و راتبه تمام ، تي نووووووض ي حمزه انت باتك متوفي و امك و اختك معتمدين عليك انت كلا حسام متجوز و عنده عيال شاقي بيهم م حتي بيفضي انت ي حمزه الي لازم تشقي بهلك ندي مش اهم من امك و اختك كل م تذكرها اذكر انها دمرتلك حياتك و انها مكمله حياتها .

لنقني انا اقتنعت بكلام ناصر و كلامه كان صح كله بس برغم هكي واعره وتحرق :حنكملها قرايتي و ح نبدا في شغلي و نصبي الهلي لكن حتقعد فيا غصه مش ح ننساها طوول عمري انا كلا حب معش نحبها لانه بان معدنها لكن قهرتني الخونه وجعتني في وسط قلبي خليها للايام و يصير خير.

ونحن نحكو خشو حسين و علي

علي : اناا معش فهمتكم تبو تجلطوني انتو

مع خشة سالم : كنك تعيط صوتك واصل بره
علي يفنص في حسين : تي المغولي لي في جنبي طايحلها مع رواد علي سبه اخته و قريب يقوله عطيني رقم اختك لعند توا وانا جاي تكيت عليه فلحوش لقيته يكلم في رواد يقوله بنتغدا عندك بكرا تي عنجد الدحنسه افطن را يشك الراجل و ادير للبنت مشكله

سالم: ههههههههههههههههههههههههههههههه ووووووووووه حعلم الدحنسه

علي التفت علي سالم : انت اخر حد يتكلم :) امس كلمتني وين قتلي ماشي؟؟؟؟ قتلي ماشي الخليفه صح خليفه لكي سنه كامله م عبرته  ي كلب توا ماشي له عشان شنو ؟ عشان ست الحسن لي رنت بلغلط طلعن اخته تي ووووه كلبتوني طرشقتوني انا اصغر حد فيكم مفروض انتو تعقلوني

سالم : فضحت بينا ي عليوا هههههههههههههههههههه

علي :تي نبيكم تفطنو لرواحكم زودتوها

ناصر :تي انت  وراك موال اخخخخ لو نعرفه بس

علي : غير اوكي اوكي -_- عطيت بنت
خالتك 500 ولا 1000 المره هذي؟😒