شباب ولكن

الحلقة الرابعة

شباب و لكن !

الحلقه الرابعه 💜

حمزة : نبيك تفرد وجك و تهدي اعصابك ، انا م قلتش هكي من فراغ بس انت عارف العشره لي بيناتنا اناا وياك و باقي الشباب م نبيكش تخسر ثقة حد فيهم بسبب موضوع زي هضا

علي : اول مره تسيرلي لخبطه زي هكي ي ميزو و صارتلي مع اخت رفيقي

حمزه : اسمع انت توا خليك عادي و م اديرش اي لقطه تمام و خلي الميه تاخذ مجراها و انا تو نساعدك

علي : تي نعني م نفقدك ي غالي

حمزه : نقولك حاجه ي علاوي راه حتي الطير شكله طاح فيك بوجه :3

علي : قصدك من مريم ؟! ○:

حمزه: تي يوم العزومه شفتها تدور فيك بعيونها ناعليا صاحبي مكبدين فيه

علي : انقنك عارفني ماني متاع حب :/ و لاني بتاع وجيج بس كيف صار معايا ي راجل ليش هكي :(

حمزةه : مغير اهدي ي عليوا بس و خلي المكتوب يصير

علي : يستر الله

حمزه : حي علمه خذانا الوقت توا الساعه 8 -_-

علي : شن وراك -_-

حمزه : حاط اختي عند صاحبتها و بنتكي نروح بيها

علي : تي مدامها م رنتش عليك معناها عاجبها الجو

حمزه : خلاص بعدك حوش صاحبتها بعدي علي مطلعت ووصلت فيها م تجي الا 9 و انا لنقني بنروح نتريح

علي : تم ي ميزو حتي انا بنصبي نقرا
حمزه : تشاو

وطلعت و لعت السياره و انا مضايق بكل :| و نجري وخلاص و صلت عند حوش البنت و رنيت ع الفرخه حواء و ساعه بيش ردت

حمزه : اطلعي انا برا-_-

حواء : تي باهي ي حمزه وسع بالك عاد نلبس عبايتي

الاء صاحبة حواء : تي بدري الساعه 8 ونص

حواء : خلاص قاعده عندك من الساعه 3 عاد

الاء : سلمك جيايا ي حنه نعني م نفقدك ♡

حواء : ناعليا مش بيناتنا

رنا : حواء طالعه

حواء : اها خويا برا

رنا : حتي انا هلي برا خلينا نطلعو مع بعضنا

حواء : هيا ي حبي مع السلامه ي بنات باي

رنا : باي ي بنات

و طلعت حواء و رنا مع بعضهن و هنا يهدرزن و من البخت سيارة حمزه تشبه سيارة هل رنا و سيارة حمزة مدرسه قدام الباب بزبط و رنا تهدرز مع حواء و هنا لثنين مش منتبهات ، وتفتح رنا باب سيارة حمزه و يلتفت عليها حمزه و حواء مصبيه ورا رنا زارتها الضحكه