شباب ولكن

الحلقة السادسة والعشرون

شباب و لكن !

الحلقه السادسه و العشرون .

لعند جا يوم كلمتني فيه رنا و كانت تبكي

رنا : حمزززززة

حمزة : كنك شن فيه احكي !!!!!!!

رنا : غصبوني يا حمزه 😔

حمزة : تي شنو فيه كنك !!!!!

رنا : الاسبوع الجاي دفعي

حمزة : كيييييييييف تي شن تحكي انتي

رنا : ابراهيم خويا جا اليوم حكي البابا و هما لثنين موافقين و قالت له ماما أسأل البنت قاللها ما عنديش بنات يدخلن في كلام رجاله

وكانت رنا تحكي الحمزه و تبكي و تحكيله و كلامها متقطع بعبرتها و دموعها

حمزة يعيط ؛ هذا جوواز مش لعب عيال !!!!! كيف يدير هكي كيف !!!

رنا  تبكي: م نحبش يا حمزه انا م نبيش انا انحبك انت ! نبيك انت 😣 راسمه حياتي معاك انت ! من اول يوم شفتك فيه خشيت قلبي و تريحت معاك معش قادره نسيبك

انا اول ما قالت لي رنا انها تبي تنخطب حسيت روحي خلاص موس ثاني خش في قلبي من جوا انا الي حمار انا الي خليتها تضيع من بين يديا ! انا الي كنت نفكر لو اني نحبها ولا اني نداوي فيها بجرحي ! تأخررررررت ووووواااااااااجد بكل !!!!

رنا تبكي و تعيط : حمزززه مش وقت سكوتك توا احكي  لي مرات هذي اخر مره نسمع صوتك ! لو تعرف كيف انا مقهوره ، لو تعرف الحرقه لي في قلبي اول ما قالولي انه دفعي الاسبوع الجاي ، كله من ابراهيم خويا عشان الي متقدم لي راجل غني وعنده فلوس يلعن الفلوس علي ابراهيم خويا علي هلي كلهم ، نبيك يا حمزة م تسيبنيش

حمزة : انا انحبك تعرفي شن يعني انحبك وانا قلتها و ح نكون قدها !!! ح  نمشي بكرا و نحكي مع خوكي و مش ح نسيبك ، ح نزر علي روحي ح ندير جمعيه و نشتغل و الي نقدر عليه نديره عشان نخطبك و نطلع الفرح بسرعه ، م تخافيش انا معاكي

رنا : ياااااارب ، مش قادره نحس فروحي نبي نموتتتت نحس فروحي مخنوووقه

حمزة ؛ انا لكي و انتي ليا ، عدي امسحي دموعك و توضي و صلي ركعتين و الي فيه خير ربي ح يجيبه ! معش تفكري في شي تمام

رنا : حاضر 😔

وسكرت من رنا وانا مدمممممممر ،انا م عنديش حظ و عارف روحي حظي زفت ! عليش ناخذ في رقم البنت و نعشم فيها معايا ليش حبيتها و خليتها تحبني ! يارب
.
.
.
ما اصعبه تكون لنهايي شايفه 💔
ومنك قادر توقفه !
ومجبور انو تفل !

.
.
.

مريم : وووووه عليا كرعيا خلاص

مرام : مازال قدامك شهر ونص اخري

مريم : لالا اسمعي نبي نزر علي روحي الشهر هضا و بعدها ح نقعد نمشي نهتم بروحي نبي ندير حاجات واجد بكل لوجي و لشعري و يييه عليا ...