شباب و لكن!
الحلقه التاسعه و العشرون 💞
"وما قبل الاخيره."
وطلع ناصر و مش للحوش و اووول م خش استقبلاته اخته
نوران : واخيرا جيت
ناصر : شن صاير كنك
نوران: خش كلم أمينه و قوللها بعد بكرا نبو نجوكم 😍
ناصر : تكذبييي ، قصدك امي وافقت!
نوران : بفضل مجهوداتي طبعا 🙌
ناصر : ياناااا عليااااااا ، خاش نكلم امينه 😘💖
نوران : هههههههه تمام
وخش ناصر جوا ، ورن علي امينه وعلي طول ردت
امينه : وينك انت طولت!
ناصر : الساعه 10 غير انتي لي دجاجه
أمينه : هههههههه ، كنك فرحان
ناصر : الي نبيها صارت و الي نحبها حتكون ليا طبعا نبي نفرح 😍😍😘
امينه : كيف كيف كيف!!!!!!
ناصر : هههههههه امي بعد بكرا جايتكم ي هبله 😘
امينه : حبيبييييييي فرحتني بكل احلي خبر 💖😍
ناصر : كيف م اتفقنا اه بعد بكرا تجي و بعد يومين فاتحة و بعدها باسبوع زفه يعني اسبوعين ويكون منتهي كل شي!
امينه : مش كأنه بسرعه ي نصوري
ناصر : حبيبي ، تي ماهو متفقين علي كل شي من قبل نحن ! و بعدين مش انتي شريتي دبشك الي تبيه كله ! خلاص انا الشقه موتيها و كنت عارف انه امي مش ح تخذلني 💖😍 عشان هكي قتلك اشري دبشك
امينه : ربي م يحرمني منك 💖 بكرا اول م انوض ح نقول الماما 😍
ناصر : هههههههههه تمام
********************
نهله : هههههههههههه والله ماني عارفه حسين قالي علي حسب الجو
مرام : زني عليه سافرولكم شي شهر مع بعضكم ! تو تحملي و تجيبي ومعش تقدري
نهله : ههههههههه ماهو خوكي ي حنه يبي اصحابه 💔
مرام : بكل ي خيه م نندري كيف له كم يوم م شافهم
نهله : هبله انتي ! قاعد معايا انا هاريني
مرام : ههههههههههههههههههه نسي حتي هله الحيوان
حسين : احم
نهله : نعم حبيبي
حسين : هيا نمشو!
نهله : براحتك
خشت ام حسين : وين ي وليدي مازال بدري
حسين : لا والله خلاص ي امي هذكي هوا
نهله : باهي خلينا نقعدو شويا
حسين فنص فيها : لالا نايض بدري اليوم نبي نرقد
أنت تقرأ
شباب ولكن
Randomرواية شبابية ، تحكي عن قصة خمس شباب وصداقتهم و حياتهم والمشاكل يلي تواجهم وكيف ح ينتهي بيهم المطاف
