مابعد الكره

٢

ما بعد الكره
البارت الثاني
... زهراء جهاد

كل ما كان البئر اعمق كان الماء ابرد واعذب ، فكر مليآ قبل ان تخرج دلوك من قلبك ، فالكلام مرهون بالعقل

_________________________________
صفنت اني ليش ماعندي اقرباء لازم اعرف شنو السر الي ضامي عنه امي وابويه وليش كل ما نسألهم عنهم يعصبون ويكولون سدو الموضوع ماعدكم غير احنه امكم وابوكم

فززني من صفنتي صوت امي وهيه تحاجي ابويه كعدو اثنينهم واني هم بالمطبخ جو شته والدنيا تنخ مطر خفيف كلنا ملتمين داير مداير الصوبه

ردت افتح السالفه وسكتت كلت غير مره اتفق ويه البنات ونحجي سوه بلكي يحجولنه القصه لان اهلي كلهم
غموض
شفت زينب طلعت الجهال ورجعت

» يا يابه يا ابويه موتوني مو جهال شياطين

ابويه » مو دگلج عوفي هلسالفه يابويه وانت مترضين شالعه گلبج بنفسج

زينب » لا يابه شعوف منها عوفني ملتهيه بيهم علما يطلع تعييني

امي » الله كريم يمة انشالله ميضيع تعبج

طلع ابويه وره اشويه جا يباوعلي صفح وبضوجه
عرفت السالفه سويت روحي دقره
صاح عليه
ابويه » تعاي يمي تعاي

رفعت راسي » عليه

ابويه » لا علئ ابويه تعاي بله لف ودوران

ضحكت وتقدمت يمه

» عيوني استاذ ابراهيم

ابويه » لا عيوني ولا سنوني شبيج ويه عادل
موعيب الجيران تشكيلي منج انتي زغيره بابا

» بابا والله ممسويه شي هو عادل شنو وتحاسبني عليي تره هذا نص عقل ضارب لتشوفه طول وعرض بس شكل تره.

» العيب مو منه العيب من امه المره خوش مره مقدرتنه ومقدريها ليش اسودين وجهنا وياهم

» اوي يابه سويتها قصه عليه هسه اني شمسويه قابل كاتله ابوهم لو اول مره نتعارك اني وعادل بعدين انت تعرف كلش زين هو يعيل بيه وتردوني اسكتله.

» ميخالف بنيتي هو ولد وانتي بنيه معليج بي بعد لتحاجي وليحاجيج واذا شكالي احد منج النوب ازعل عليج وبعد ماحاجيج ابد

رحت شبگته وبوسته
» يابويه واني شلون بيه اذا زعلت عليه غير اموت نفسي زعل الدنيا ولا زعلك برهومي

امي » ولج انتي اشوكت راح تكولين بابا لازمتها عليي استاذ وبرهومي هو انت صوجك انت ناطيها عين زايد

ابويه » دعوفيها تصيحلي باليعجبها هو اني شكم ورده عندي هيه هلوحده ومخبله

زينب » اي يابه الله يحفضها الك عافتنه وطلعت من المطبخ زعلت

ابويه لحگها ديرضيها » شوف الخبله بسرعه تزعل واني ربع الدلال العدها ماعندي همداج يالمدرسه همداج