_ما بعد الكره
……زهراء جهاد
البارت العاشر .💙🥀
~قبل لا تنضفر بيه °
شنو اليثبتلي ما تنفل ♡☆
__________________________________
حيل اتندمت من مديت ايدي عليها
ماعولت تخلص اجازتي وانزل اشوفها وأطمن عليها طبيت للبيت لكيتها كدامي
صفنت عليها مصفره مبين عليها ذبلانه باوعتلي بالاول صفنت بوجهي
شو فجأ وعيونها صارت بگصتها عافتني وفلتت
حاولت احاجيها بس قدرت ضرفها
روحها طالعه وكارهتني
اكثر من مره كالتها بوجهي كارهتك
سمعت صوتها تحاجي محمود طلعت
يابه لبسها وعلي يكزبر الجلد والنوب هيه صاحبه جسم وشعرها يتمايل وياها هيج وهيج
صح همه خواني ومالي حق لا اغار ولا احاسبها ع هلشي
بس انه ولد شاب وعرف نضره الشباب شون تكون للبنيه مو بيدهم هلشي
اشتعلت بنار
انوب عنادها هو .هو ماغيرته ولا جازت
رغم الي صابها كله من وره هلمزاج الزفت مالها.
ماتحملت تجاهلها
لبست وطلعت ويه الولد وتعشينه بره
رجعت بليل للبيت تعللنه اني وخواني وولد عمي
كل اشوي اكول هسه تجي عيني ع الباب لان ادري بيها هيه تسهر تعلل ويه خواني بس معقوله كارهتني لهلدرجه ومتريد اشوفني حتئ واهس ماضلي
طلعت للطرمه كعدت بسيارتي ورثتلي جگاره توني دشكل الهتفون
صارت كدامي طلعت من باب الهول لابسه تراك اسود الحمدلله الي راهي مو حصر مدري منين طلعت الشمس
لازمه ايدها المجروحه تمشي بهدوء وتتأمل السمه انتبهت عليها تحرك شفايفها مدري شنو تردد بينها وبين نفسها
ضلت دقايق ع هلوضع بالحديقه انه ادري بروحي غلطت لان ضربتها ردت اصلح الي بيني وبينها خطيه يتيمه وزغيره ومتعرف تتصرف
نزلت اتقدمتلها بهدوء شو هاي هيه گمزه هيه فزه خايبه شبيج شسويتلج انه
جرحتني هواي فوك ماعتذرتلها هيج تحاجيني
كرهتها بوقته صرت اعصاب وحتئ كمت اكفر انه ماطاخ راس لاحد ولا خاضع البشر
تجي هاي بكد القندره هيج تحاجيني
اني الج يورده اذا ماخليج انتي تدورين الكلمه مني دواره اطلع كلب ابن كلب هينه يبنت العم هينه
ركبت سيارتي ودكيت هورن لمحمود وخر سيارته وين ماوين ماجاوبت ركبت ومشيت
خابرت ناصر كال اني مو هنا طلعنه اني والمره والجهال لكربله والنجف زياره
سديته منه ورحت يم جماعتي
كعده وسوالف وضحك ونسه
ساعه اندمج وياهم ساعه اصفن وتجي هاي البلوه ابالي واضل اتحلفلها
لل 12 بالليل رجعت ليل الشته شطوله
دخلت البيت هدوء سنطه كلمن متلفلف بفراشه بارده ثلج
أنت تقرأ
مابعد الكره
Ficción Generalنترت بوجهه » متمشي كلمتك عليه صارت عيونه بعيوني كلها غضب وعصبيه لزمني من عكس ايدي وقربني اله يحجي بعصبيه ينصي ويعلي بصوته وانفاسه الحاره احسها قريبه مني تبث البركان الي بداخله » تمشي عليج وعلئ الاكبر منج فهمتي لو لا وطولت اللسان وياي متفيدج اتسوين...
