مابعد الكره

٤

ما بعد الكره
البارت الرابع
... زهراء جهاد

:الاحترام تربيه وليس ضعف والاعتذار خلق وليس مذله🖤😪
_________________________________
جواد » والله يعمي ماجنه ندري عدنه هيج بنت عم تتهجم ع الناس بالشوارع وبعز الضهر وبدون لا صوج لا ذنب

التفتتلي زينب بعصبيه » ورده صدوك هلحجي

اتعجبت علئ حقارته وبنفس الوقت خفت من عصبيه زينب ردلها هو

جواد » اي ورده جاوبيها صدگ هلحجي لو لا

ورده » والله ابد ماتوقعتك بهلحقاره واذا سكتتلك بالشارع فجان الي سببي بس هسه اذا حاولت تغثني بكلمه والله ما اسكتلك

عمي حسن » اششش شبيكم شجاكم عاد احترمونه واگفين واحد يخزر بالثاني ويتحلفله احجو شكو شصاير بيناتكم

ردت اهجم عليي وأكله اكل بسنوني ضلينه واخد يخزر بالثاني

جواد » عمي جنه بالطريق هنا گبل منوصل بشويه دنمشي عادي وشارع فارغ

شو هاي گبل صارت بوجهنه بالحضه الاخيره سيطر احمد ع السياره جان راحت بيها الله ستر

احنه بالگوه اداركنه الموقف شو هيه نزلت علينه فد هده حجي بعصبيه وانفعال وهي وهي ولا احترمتنه ولا اعتذرت فوگ شينها گوات عينها

ورده » لا بربك يعني هسه صرت اني الغلطانه زين ماشي اجي وياك اني غلطانه بلا ما انتبه صرت كدامكم منو اجاوز اني لو انت

اشرت علئ هذا الغثيث الي جان كاعد يم السايق وجهت كلامي للولد الجان يسوك

» عليك الله منو اجاوز اني لو هو مو هو گلك امشي بويه اني اعرف هلنماذج شنو غايتهم من هلحركات صح لو لا

شو هذا ساكت ميحجي بس يباوعلي من فوگ ليجوه

ورده » عززا متحجي شبيك ساكت صح كلامي لو لا

واخيرا نطق وحجه

احمد » تدرين انه هذا الصار كله مو ابالي شغله وحده محيرتني شنو هلمنضر الطالعه بي بالشارع

ورده » شنو يعني مفتهمت قصدك

احمد » شكلج هذا اشون اطلعين هيج بالشارع شنو شبي عمي جان اعمئ عنج تفترين بالشارع وفارده شعرج ولا يمج الموضوع

ورده » وشكو بيها شبي شكلي اني هذا شكلي من وعيت علئ نفسي

وجه الكلام لزينب ورونق
احمد » لا يالله بس لا انتن هم اطلعن هيج

رونق باوعت لزينب وسكتت زينب حجت

زينب » شوف احمد احنه ابونه مجبرنه ولا طلب منه لبس الحجاب او العبا جان عنده هذا الشي احنه نسويه من ذاتنه اني عني وعن رونق حجاب ولبس مستور بس ورده بعدها ازغيره توها عمرها 16 مخلينها ع راحتها هيه وذاتها من تريد تلبس تلبس منجبرها