مابعد الكره

٢١

مساء العسل 💜

بقلمي زهراء جهاد

اسفه يگلبي هذاك البارت صار بي غلط من الكيبورد وانكتب الاخير انشالله بعد جم بارت وتنتهي تعليقاتكم ع الاحداث تفرحني وتفرح الابطال كثروها فدوه اروحلكم
اما بخصوص الي ديجاوزون لتخاف ماردلك واكبر راسك هيه شغله اخلاق. تحياتي للمتفاعلين دوم

_:عيـونـهآ حـرب وآنـي آول شـهيـد ،🖤
_________________________________

...گمزنه ع الصرخه احمد طلع يركض اني لبست دشداشه ع السريع وطلعت كلها صعدت تركض طلع خليفه من... غرفته جنه مخبل حاير ميعرف شيسوي ..

...اتلگيناه گال شهزنان دتولد ومتألمه حيل طبينالها نركض اني وسهئ وخاله سهام حالتها فد مره ..

طلعت للولد كتلهم حضرو السياره بسرعه عدها ولاده ..نزل محمود شغل السياره وسهئ لبستها اني اتصلت ع امها وكالت هسه راح يجيبوني الولد خطيه نوب انهبطت ..

..خليفه وخالتي سندوها ونزلوها اني هم اخذت جنطتها الي مجهزتها للطفل ونزلت وراهم ردت اروح بس ماقبلو كالو انتي عروس تروحين تنجبسين

اني مو عن شي متهمني هاي الاشياء وكتلت روحي ع الروحه وياهم بس احمد هم ماقبل وگالو سهئ تبقئ وحدها ميصير

راحو ..وطبينه جوه رحت توضيت وصليت ركعتين دعيتلها تسهيل امر نوب ..رحت خابرت خليفه كال دخلوها عمليه لان ماعدها توسيع ومي الراس طگ..

.. وحالتها مطمن الدكتوره كالت بيها روح وبينه روح ..سالته نفسها الدكتوره الي تراجع عندها راح تولدها كال لا ذيج مسافره هاي غيرها ..

...سديته منه نوب ضل بالي عليها اروح هيج واجي هيج صعدنه اني وسهئ رتبنه غرفتهم وحضرتلها فراش وجهزت كركوت الطفل ..

جدي وبيبي رجعو نامو محمود وخليفه وخالتي راحو وياها وامها واختها مناك علي مريض فلاونزه كلش..

دزيت سهئ تشوفه تكول لكيته يون مصخن نار ويشتعل كتلها سويله كمادات راحت جتني ،وره ربع ساعه تكول نفس الشي

صعدت الاحمد كتله ودي خطيه ليروح يصير بي شي الولد
موزينه الصخونه كال خل يتحضر هسه ابدل واودي

رحناله كوه كومته سهئ من الفراش ميقبل يروح غسل وجهه ولبس شلون مجان جا احمد وخابر عباس ديودو وره دقايق جا عباس

احنه جنه فوگ بغرفة علي
سلم علينه واخذو سندو واحد منا واحد منا ونزلوه راحو
وكعدنه اني وسهئ وكالعاده موتتني بعباس

سهئ، ، ورده شايفه من يوگف كدامي من اللمح طوله لو يجي باذاني صوته هيج شكو شي بداخلي يفز
وعيوني تكوم ادوره بكل مكان ولمن الگاه ما اتجرئ اباوع عليي عادي حتئ لو ميحبني اسمع صوته اسمع اخباره هاي عندي تسوه الدنيا والبيها حبيته هواي ولحد الان حبه يزيد مينقص نوبات اگعد احجي ويه نفسي اكول هييي سهئ اصحي وين عايشه طلعي من احلامج الورديه انتي وين وعباس رين هذا هم يكلبج هم يكلج انتي شنو وين عباس ابو الشخصيه القويه الخشم اليابس العصبي النحس المغرور يباوع علئ شكولاتج لتحلمين وتاليتج توگعين من صطح خليج واعيه واتوقعي كلشي بس ماكو دقايق وارجع احن اله واسرح بعالم خيالي واتخيله يجي بيوم ويفاتح اهلي ويكوللهم اني رايد سهئ علئ سنه الله ورسوله لو يجي واحد يخطبني وهو يوكف ويكول اني ابن عمها اولئ بيها من الغريب
الله ورده بس تخيلي الموقف