مابعد الكره

٢٠

زهراء جهاد
ما بعد الكره
البارت العشرون
__________________________________

رحنه للسوگ اني واحمد وخالتي وزينب وعمه ناديه
اختارينه البدلات كلش حلوات وراقيات جدد
اختاريت للحنه احمر نفش ومفتوحه من فوگ ومخصره فدشي

والعرس بيضه فتحوها من الجيس موديل جديد الا ماتخبل كتلت روحي عليها
واحمد هم اخذ قاط اسود
وللحنه اخذ هم قاط جويتي غامق
واخذ لبس كاجول
واشترالي مبايل ع ذوقي

ومن رجعنه دخل الارقام وعباه رصيد وسجل رقمه ونطانياه
وتحلف بيه ممنوع الرقم يطلع
بس خواتي وخواتج
الليل كله يخابرني اتوسلت بس خل انام ورايه كعده الصبح ميقبل
كوه فكيت منه

يوم الاحد كعدنه الصبح اتحضرنه اني واستبرق ورونق هو وودانه للصالون علمود الحنه.
يابه متت جوه ايد ام الصالون هلگد ما عتت وجرت بشعري
والمكياج شگد طولت بي
يعني لزمتني من ساعه 11 الصبح 2 :33 يلا كملتني
متت من التعب وضليت ع الريوك بس طلعتني كلش حلوه ولا عرفت نفسي

البنات هم مكيجتهن

خابرت احمد وجا علينه
غير متت من الخوف عبالك هسه حيزفوني

برگعني بالعبا وطلعني نزل فتح الباب وهو يحجي دنگي راسج نزلي هذا لتباوعين عينج بالكاع فوك التوتر هو فت گلبي

الطريق كله يباوعلي بالمرايه الاماميه وكل شوي منبهني ع شي ماعولت يوصلني
ذبنه وراح يتجهز اتلكني البنات والحبايب من الباب بالجكليت والهلاهل والهوسات الحنه صارت بالحديقه لان جبيره كلش ومرتبه وصيف هم
صارت الحفله كلش حلوه البنات طالعات يجنن سهئ واستبرق خواته بدعن بالركص ورونق وشهزنان هنه وبطونهن يفترن يمي ساره بت عمو محمد واكفه يم الديجي هيله اذا ثبته ع اغنيه بس اتكلب وشلون ردح يخلي الواحد يطلع عن طوره
دزيلي رساله احمد كال جينه اشرت للبنات لبسن
دخل هو فدوه شلون هيبه شلون شخصيه ورزانه
ضلو كلهم صافنين عليي
احنه متفقين من يطب اكومله گمت وتقرب عليه لزمني بثنين ادي وباسني من گصتي ومن عيوني موتني خجل
هواي يحب يبوسني من عيوني
كعدنه ودخلو وياه عباس وخليفه ومحمد
خطيه ناصر ماكو امسافر ويه صاحبه للهند علمود عمليه جراحيه

هو شكد جان ينگ ع احمد حتئ يزوج يگله اني فرحتي بس بيك هواي علاقتهم قويه علگو اغاني وگلبوها بالرگص والتصوير احمد كل شوي يهمسلي احبج طالعه اجننين نوبه يتحلف بيه اخخخ الله شوكت يجي باجر يخوفني بالزايد فوگ ما اني ميته خوف ورجيف

بعدين دخلو ضافر ومحمود وشاكر ذوله الشعارين علگوها بالرگص قطعنه الكيك ووكلني ووكلته والعصير هم
العصير من التوتر جبيته عليي
خلتلي عمتي الجبيره رفاه حنه وهو ماخلوله گالو بالليل الولد يحنو
كومونه رگصنه شويه

اتقربت علئ سهئ وجفضت ع رجلها كل حيلي كتلها علمود تزوجين ورايه واخلص منج خطيه ضلت اتگمز من الالم لان يمكن الكعب دخل برجلها هههه