مابعد الكره

١١

ما بعد الكره
البارت الحادي عشر
...زهراء جهاد 🥀🖤
_________________________________

ورده،، عيني بعينه وايديي محاوطه جسمي ذابه ثگلي عليي

مشاعر غريبه صابتني بذيج اللحضه بس هو ولا جن ذاك احمد الي اعرفه وخر عني
بعد مثبتت وگفتي خازرني عيونه تخوف حجه بحديه ونتر

احمد، ، شعندج واگفه وره الباب

سكتت ضليت مثل الخبله اباوع بوجهه

احمد، ، متحجين شنو خرسه صرتي وين راح لسانج شصعدج هنا وشعندج يم غرفتي

ورده، ، أءء اني صعدت علمود...... وسكتت

احمد، ، علمود شنووو

ورده، ، ليش اصيح شسويتلك اني

احمد، ، شمسويتلي مو حضرتج الي گلتيلي كارهتك ماريد لا اشوفك ولا اسمع صوتك مو نفسج الي گلتيلي عايشين نفس البيت بس لا اعرفك ولا تعرفني واني ماسويت الا الي ردتي الي يريحج مبتعد عنج مالي شغله بيج شصار هسه شتغير وجيتيني شتردين مني

ورده انصدمت من تصرفاته وكلامه ابد مجنت متوقعته هيج كارهني

ورده، ، اني مجايه عليك ولا متقربه ناحك وصح اني كتلك كارهتك وماريد اي علاقه تربطنه لسه وبعد هذا كلامي اني مجايه عليك مريت صدفه منا

احمد، ، ههههه ضحكتيني والهوئ دفعج وشمرج علئ غرفه احمد من دون هلغرف

ورده، ، ماكو شي يضحك وهذا الصار صدگت صدگ ماصدگت براحتك ممجبوره ابرر

تعديته وفتت

احمد، ، ممجبوره تخلقين اعذار وصدف علمود. تنجمعين بيه

بعده ممكمل انداريتله وقاطعه.

ورده، ، ماتوقعتك لهلدرجه كارهني

احمد،، ياريت لو اكدر اكرهج

گال هلكلمتين ودخل غرفته وطبگ الباب بقوئ

نزلت بهدوء صفنه توديني وصفنه اجيبني طيح الله حضي هسه اني شصعدني ليششش صعدت شعليه بي

اجت رونق كعدت يمي شبيج مابيج متحملت طگيت من البجي وليش ابجي مادري حجيتلها ع الصار

ورده، ، معقوله احمد معقوله هيج كرهني شسويتله اني لو غلطانه بحقه ميكتلني قهر بس مغلطانه

رونق، ، انجبي ورده اشو انتي تعرفيها وتحرفيها. شلون مغلطانه وياه لا والله غلطانه من السمه للگاع الولد كل الراده منج تحطين شي علئ راسج تسترين بي نفسج حقه هو جنوبي وقروي دمه حامي علئ عرضه وانتي دشوفين خواتج وبنات عمج وخواته كلهن محجبات ولبس مستور يعني ماكفه عنادج هناك اجيتي هنا شديتي وياه الولد ضل يركض بيج من انجرحتي كل الراده منج شغله زغيره اول وتالي مطلوب منج اسويها حاجاج بحترام مافاد بعصبيه مافاد بأمر مافاد بتوسل مافاد وفوك كل هذا صايره انتي ام الراهي عليي وتعال عوفني لتدخل بيه كارهتك هو هذا حجي هذا اسلوب اني خجلانه من تصرفاتج تدرين لو لا وحتئ زينب تغلي غلي بس ساكته لان تدري بيج صايره احمار اضربين ازواج ضلي خل ندمج ياكلج احمد ورده مال الله بس انتي خسرتي حجت هيج وطلعت