البارت الثاني عشر
ما بعد الكره
زهراء جهاد 💙
:أبتسم ولو القلب يقطر دمآ .
. وتوقع خيرآ مهما كثر البلاءُ .. .
الامام علي (عليه السلام ) ❤
_________________________________
رونق، ،، كملنه العشه التمو كلهم وتعشينه اكثر شي احبه بهلبيت لمتنه ع العشه ما انكر انهو همه صارولنه اهل وما حسسونه احنه جنه غرب عنهم احبهم هوايه خطيه ابد ممقصرين ويانه بشي كملنه ورتبنه المطبخ رحت ادور ع محمد هو كالي عندي حجايه وياج وره متكملين دخلت لغرفته ماكو لكيته بالحديقه ديدخن رحتله سلمت علي وكعدت
رونق ،، هلو محمد
محمد، ،هلا رونقه
،، هلا بيك مو كلت عندي حجايه وياج
،، اي صح
شوفي يبنت خالي وافتهمي كلامي زين.
اني ابويه مات واني بعمر ازغير ميتعده العشره اذكره حلم خيال
بيت جدي اهل ابويه من زمان مو ع اصطلاح ويه اهل امي ف من اتوفه ابويه ضليت ويه امي والقانون والشرع جان يكول اني من حق امي
صارت مشاكل هواي بسبب هلشي لان اهل ابويه يردوني فا انتهت بالگطع والحقد وهيج شي صح هسه اشوف عمامي وولد عمي واجدادي
بس علاقه مو قويه بسبب كرهم الامي كبرت هنا ووعيت علئ ولد خالي وصارولي خوان مشت الايام والسنين وكبرت
من زمان كملت دراستي وكونت نفسي وبيتي خلصته وراح اشيل اني وامي
عمري 28 ماقاصر
اول ماجيتن صارت عيني بعينج
وكتها كلت لو هاي لو مصيرلي مره
حطيتج ابالي وشويه شويه حبيتج وتعودت علئ شوفتج
شايفه من اضحكين تعلئ دگات كلبي ويه صوت ضحكاتج
خليت المشاعر هاي بكلبي ماضهرتها
لان جنت مامستعد بوكتها لخطبه وزواج
بس هسه لا الحمدلله كلشي تغيير رتبت اموري
وفتحت الموضوع تره ويه امي وهسه اريد اخذ رئيج يله افاتحهم بالسالفه رئيج يهمني
رونقه اني مو غريب ابن عمتج وعايش وياج نفس البيت
احبج واريدج مشتريج بزينج وبشينج حشاج من الشين رايدج علئ سنه الله ورسوله واهل بيته لترديلي هسه وكلشي لتحجين گومي طبي جوه بارد الجو
وفكري بكلامي زين واخذي بعقل الج كل الوكت اخذي قرارج ورديلي خبر
رونق عززا مدري شصار بيه وهو هيج يحاجيني ارتبكت وتوترت وكلبي گام يدگ الف
اني حبيته لمحمد من اول مشفته وافكر بي واحسبله ساعه ساعه من يروح للدوام وتعودت اتلگاه من الباب
بس ابد مجنت متوقعه هو يبادلني نفس المشاعر ابد مبينلي هلشي وهسه فاجاني بهذا كلامه لساني انخرس وضعت بهدومي. من الخجل
صح من جنت بالكليه جم شاب اجه وصارحني بس ابد ماصار بيه مثل الصار هسه ويه محمد يمكن لان احبه طبيت للبيت صارت زينب بوجهي
أنت تقرأ
مابعد الكره
General Fictionنترت بوجهه » متمشي كلمتك عليه صارت عيونه بعيوني كلها غضب وعصبيه لزمني من عكس ايدي وقربني اله يحجي بعصبيه ينصي ويعلي بصوته وانفاسه الحاره احسها قريبه مني تبث البركان الي بداخله » تمشي عليج وعلئ الاكبر منج فهمتي لو لا وطولت اللسان وياي متفيدج اتسوين...
