مابعد الكره

٦

ما بعد الكره
البارت السادس
... زهراء جهاد

:اليأس لا يليق بأرواح المؤمنين 💛
__________________________________
ضليت مغمضه عيوني واتنفس بسرعه اول مره بحياتي يتقرب عليه احد بهلقرب صار كل جسمي يرجف ماعرف اوصف شعوري بلحضتها

حسيته ابتعد وحرك السياره فتحت عيوني باوعتله. يتصرف عادي ولا جن صاير شي نزل الجام وگال

احمد » يلا دليني علئ هذا الزلمه. والشال ممنوع يوگع من راسج

دليته ووصلنه باوعلي وكال ممنوع تنزيل بعده مفاتح الباب ونازل نزلت گبله حتئ عثرت بثوبي ردت اوگع.

اندارلي من هذيج الجهه وهو يخزرني دگ الباب واني وگفت گدامه من هذيج الجهه اجه بكل هدوء لزمني من عكس ايدي ووگفني يمه

ماهتميتله انطيته ضهري طلع الرجال وحجه وياه سلمه المفتاح انداريت للرجال وحاجيته

ورده » عمو تره الانسان مواقف والفلوس وصخ دنيا مدوم لكن يدوم الموقف
الكلمه الطيبه
شوف الدنيا شگد ازغيره هاي احنه طلعنا من البيت ورجعلك بس لمن جنت اشوفك توگف ويه ابويه وتسولف وتضحك وعلاقتك قويه بي ابد ماجنت اضن بيوم من الايام راح تسوي هيج بينه وتطلع هلطلعه مال............
بعدني مامكمله احمد عصر جف ايدي بجفه وخزرني خزره
والله خفت وخنست بعد الكلمه متطلع مني ابتسم بوجه الرجال وگله

احمد » علئ كلن بويه مشكور وممنونين منك ماقصرت هذا حگك رجعلك.هاي مفاتيح البيت الك هو واثاثه

باوعلي الرجال توه ديحاجيني سكته احمد

احمد » يلا يابه احنه نترخص ورانه طريق

جرني من ايدي وهو يخزر بيه فتحلي الباب صعدت وسدها بقوئ يمةة شو اني گمت اخاف منه

اندار وصعد حرك السياره ومشه
وهو عاگد حواجبه ويباوع للطريق بعصبيه وحديه
گلت ولا احاجي مابيه حيل مكافش طلعنه المنطقه واحنه هدوء ولا كلمه ولا حس

راح تخبلني هلبنيه شگللها تسوي العكس احسها تعاندني تستفزني
من جنه واگفين يم الرجال بلشت تحجي وياه بالبدايه كلامها عجبني حسيتها تحجي بوعي
بعدين عرفتها راح تجفص ونقذت الموقف
ضلت ساكته وماحجت
استغربت هدوئها لان من البارحه اول ما وصلت لحد هسه صرعتني بصوتها ولسانها

انتبهت عليها غفت شكلها من هادئه شحلو اول مره انتبه عليها ملامحها حيل حلوه وجذابه خشمها زغير ومتناسق ويه وجها وعيونها اكبار حيل ولونهن بني فاااتح وشفايفها منفوخه بشرتها بيضه ع حمار وشعرها هم بني فاتح واصل لخصرها جسمها مو ضعيف ولا سمين رشيقه وطولها عادي

هيه احلئ من زينب ورونق هذنيج هم حلوات وعيونهن صفر وبشرتهن بيضه بس رونق طويله وجسمها مو كلش ضعيفه ونوب سوت العمليه حيل ذبلت احسها معزوله انطوائيه