مابعد الكره

٢٢

مساء العافيه 💜

بقلمي زهراء جهاد

تتحدث كثيراً مع البشر ولا يتغير أي شيء ، ثم تتحدث مع الله قليلاً .. فيتغير كل شيء 💙 .
_________________________________

سهئ گمزت من مكاني من شافت ورده صارت كبالي نهبطت عبالي شوف منو التفت عباس كاللها هلا بنت العم

ورده تباوعلي باستغراب وحيره تدري بيه ما اجرئ اسلم علئ عباس مو النوب كاعدين سوه الفجر ونسولف وحدنه الحمدلله الي الله سلطلي ورده مو غيرها جان لو ايدنه بيد الله يگولون عدكم شي

ورده، ، صباح الخير شمگعدكم لسه

سهئ، ، مادري نسيت نفسي يعدين جا عباس وكضيناها نسولف

ورده ،، اها يلا اني نزلت اجيب مي واصعد لتتاخرون كومو نامو هسه جدي يكعد يصلي وتترزلون

عباس ،، لا يابوي قابل شمسوين

ورده، ، يلا تصبحون ع خير

اشرت السهئ اني اعلمج

سهئ ياربي عدي هليله ع خير
قاطعني من صفنتي عباس

عباس، ، يولي كافي تتصفنين شنو ماخذه شمره

سهئ، ، ها لا بس هيج ماكو شي

عباس، ، ليش اتمتمتين عبالك دجر الكلمه منج بفلوس
تعاي كوليلي منوه هذا الناخذ بالج

سهئ، ، لالا ماكو هيج شي وماعندي شي

عباس، ، اهووو شلون بيها كتله توج كلتي اي اكو واحد بگلبي واحبه وميدري كوليلي منو هو

سهئ، ، لا ماكدر اكولك منو وشيضملي متروح تكول لاخواني

صفن بوجهي وورث جگاره
عباس، ، تتوقعين هلتصرف يطلع مني تره هاي تصرفات جهال مو اني عمري راح ادخل ال ٣٠ شايف وعايف واذا متردين تحجين براحتج ماضغط عليج ماراح اكلج غير شي واحد لو مهما حبيتي حافضي علئ نفسج ولتخسريها من وراه احتمال ميستاهلج والحب لا عيب ولا حرام والله من زرع هلحب بگلبج مازرعه عبث الله كريم

سهئ سكتت وخليت ايديه علئ راسي بتفكير اريد اكوله ومتردده اجاني شعور قوي انهو اعترفله بس اتراجع
.. بعدين رفعت راسي اله
بعد مابيها مجال خلي اكوله وشيصير خل يصير حتئ لو ميتقبل المهم يكون عنده علم انهو هلشخص هو مو غيره
وحتئ مياخذ عني نضره ويكول تحب وتتمعشگ

سهئ، ، انت

عباس بعدم فهم، ، شنو اني

سهئ، ، انت هو الشخص

طفئ جگارته وباوع بعيوني، ،صدگ لو تشاقين.

سهئ، ، لا ماشاقه انت الشخص الي بكلبي ولي سمعتني ادعي الله يجمعني بي

عباس، ، من شوكت

سهئ، ، من جنه جهال وكبرنه سوه وشبينه سوه ماذكر بالضبط شوكت بس من وعيت علئ نفسي ماكو لا بكلبي ولا ابالي ولا ابفكري غيرك
اني ماكتلك هسه علمود تجي تخطبني لو تحبني لا
بس مشاعر تجاهك بداخلي من زمان موجوه وحبيت اعترف بيها ياريت الحجي يبقئ بينه تصبح ع خير،