مابعد الكره

٨

البارت الثامن
ما بعد الكره
زهراء جهاد

شنو ذنبي
عايشلي بحلم تايه
لا لاگيلي عين تنام
ولا لاگي اليفسرني💔
__________________________________
سهئ " ايي هسه يجيج الحجي احمد انعجب بوحده من المنطقه وصارت القسمه وزوجها اول مزوجو

صارت الهم خلفه لو اشوفين ورده شون جان يحبها يموت عليها وهيه هم جانت اتحبه من عبرت الاشهر بحملها تغيرت تعاملها تغير ويانه صارت عصبيه متتحاجه متشتغل

احنه كلنه عفناها ع راحتها گلنه حامل ونفسيتها تعبانه من تجيب ترجع الطبيعتها بس ورده صارت ابد مو خوش

يعني متحترم خواني همه حموينها وكلهم كبار زلم اذا حجولهم احجايه تنتر بيهم شدت ويه امي وويايه

كامت تتخبل من يجينه خطار يعني ابد ابد صارت متنجرع احمد شمرها ع اهلها ونطاها مصروف كللهم خلوها يمكم بتكم بعد ماتحملها لا اني ولا اهلي خلوها علما اجيب اذا جابت ورجعت مثل كبل ترجع مارجعت مثل قبل وضلت ع هذا اسلوبها ماريدها

انوب راحت هناك وهم مخلصنه كل يوم مطلعه احجايه ع وحده من عدنا ومخليتنه انگمز احمد هواي عصبي وميتحاجه

كلنه نخاف منه ونحسبله حساب وهيه توكف بوجهه وتنتر ماعرف هلابنيه اتغيرت. ميه وثمانين درجه

من بعد الحمل ضلت يم اهلها ومن جابت رحنالها كلنه جابت ولد. وسماه ابوه ضرغام ضلت فتره يم اهلها لحد مطلع الاربعين

ورجعت صحتها تمام وصحت الطفل هم كلش زين كلنه طايرين بي لان اول طفل اله

جابها احمد وجا ورجعت لرجلها ولغرفتها ودارنها امي وعمتي ناديه بشكل حتئ صينيه الاكل اصعدها بيدي الها واسلوبها زفت

وشايفه نفسها فد شوفه هلبومه ولج هيه لا من جمال لا من نداره لا من اخلاق عليش هلتكبر مدري المهم ماطول عليج

وره شهرين من الولاده يلا كامت تمشي وتتحرك ومتقبل تشتغل ابد الگلاص متشيله منا تخلي هنا

هيج فد مره حتئ ابنها ممهتمه بي يضل يبجي ولا يمها الموضوع احمد يصيح يحجي يعيط نوبات يضربها بس ماكو فايده ذيل الجلب ميندل

جان يجيبه الي بنص الليل يگلي غيري حفاضته سويله ممه من اساله ع امه يكول كتلتها نعلت والديها متقبل تكومله وهو بس يبجي

جنت شگد انقهر ع احمد لان هيه ابد مو من نسوانه هو دارس وفاهم ومثقف وخيره اعلئ من راسه شخصيته قويه وفارضها ع الكل كلبه طيب كلها تحبه وتحترمه وتتوددله

ليش هيج هلبنيه منعرف صار عمر ضرغومي. سنه ونص توه يخطي ويمشي جان احمد يموت عليي هيج من يشبگه يشم بي شم
بيوم رادت اتروح لأهلها

جانت قبل يوم متعاركين وكاتلها
احنه جنه ابد منقبل تاخذ ضرغام وياها
لان توه يمشي وميفتهم وهيه مهمله ومتهتمله فجنه نخاف عليي مندزه وياها بيومها عاندت الا تاخذه