ZAINUL ABIDEEN

2

*HASKE WRITERS ASSO...💡*

💞 *ZAINUL ABIDEEN💞*

*SLIMZY✍🏼*
*Wattpad@slimzy33*

                    *2*

********
Shirinta tayi tsaf kamar yadda ta Saba yau ma tayi latti sauri sauri take shiryawa,sanye take da doguwar Rigar jallabiya baka budaddiya da gyalenta Baki ta yane kanta fuskar Nan fayau babu abinda ta shafa  tayo hanyar tsakar gida daga dakinta,

  A tsakar gida taci karo da mahaifinta Nan da Nan ta zube a gabansa ta Soma gaishesa,"barka da tashi baba fatan antashi lafiya?"

  Cike da kulawa ya dubeta "ummaty an fito zaa tafi?"

  "Ehh baba"

Gorar hannunsa ya kalla ya Mika Mata "ga wanan ummaty lokacin Shan maganin zainul abideen yayi kinsan dai yadda kike bashi sanan wannan abun da kikeyi taimako ne Allah zai baki Lada Allah Kuma zai bashi lafiya"

  Ta Kara sunkuyar da kanta ta Mika hannu cike da ladabi ta amshi gorar ruwan "wallahi baba narasa Gane Kan wanan rashin lafiyar na ya zainul jiya ma fa bakaga yadda jikin ya rikice ba wallahi,gashi Mai martaba yaki amincewa da akaisa ai Masa magani"

  Ajiyar zuciya ya sauke Yana Kara duban Yar tasa sanan ya nisa yace "kada ki damu ummaty zai warke insha allahu shiyasa Nima nabaki goyon baya wajen taimakonsa wajen bashi magani a boye batare da sanin kowa ba har Allah yasa yasamu lafiya kinji?tashi kije Rana tanayi"

  Ta Mike jiki babu kwari dakyar take taka kafarta ta Shiga dakin mahaifiyarta Tana zaune Kan dadduma Tana sauraren radiyo ,direct wajen drawer ta nufa ta bude ta Ciro babbar Jakarta ta zura gorar ciki Sanan taiwa mahaifiyarta sallama ta fice....

*******

  Shasshekar kukanta ce yasata saurin juyowa bangaren da take zaune ta jingina da kilisa gefenta wayarta ce ajiye,da kyau mahaifiyarta ta kalleta Tana karantar yanayin nata Wanda ya nuna tsantsar damuwa a fuskarta,

  "Yanzun safiyya bazaki daina kuka Akan rashin lafiyar zainul ba kiyi Masa addua?Babu abinda yake bukata sama da adduarmu kiyi Masa addua a matsayinki na kanwarsa jininsa inaga zaifi bukatar hakan sama da kukan da kikeyi"

Juyowa tayi fuskarta jike da hawaye cikin tsananin tashin hankali ta Soma magana "Ammy lokuta da dama idan abubuwa suka taru sukai maka yawa babu abinda zakayi kasamu sassauci a zuciyarka inba ka zubar da hawayen ba,Babu abinda narasa a rayuwata ban rasa ci ba ban rasa Sha ba ban rasa komi ba Amma akwai gib'i a cikin rayuwarmu bakuma wani bane face ya zainul Ammy ki duba kiga halin da yake ciki shine kada'i namiji kaf zuri'ar mahaifinmu Amma shine Allah yayiwa wanan mummunar jarabar shine mummunar kaddara ta fadawa Wanda mahaifinmu ke matukar so yake alfahari da samunsa a d'a namiji magajin sarki Amma ya tashi cikin tsananin rashin lafiyarda har yanzun aka rasa maganinta, Dole inyi kuka ammy,sanan babban abinda ke damuna be wuce yadda yake cikin wanan halin Amma Kun kasa yin wani Abu Akan ciwon nasa Ammy daga ke kuwa har Mai martaba kullum saidai kice ciwon ya zainul na asibiti ne ni Kam a ganina bana asibiti bane wanan ciwon nasa ya kamata a binciki masana addini da masu maganin gargajiya ko zaa Dace"ko kafin ta Gama maganar hawaye ya Gama wanke fuskarta tasa hannunta ta share Tana Mai duban mahaifiyar Tata wadda kalaman na Yar Tata suka fama Mata wani ciwo dake cikin zuciyarta,

"Fiyya dik wani mutum Wanda zai kaunaci zainul abideen ya nuna Masa soyayya bayana ne mahaifiyarsa nikadai nasan ciwon da nakeji ganin nakassar da zainul abideen ya tashi cikinta, Amma bani da yadda zanyi sama da inyi yadda ya Dace,ciwonsa na asibiti ne fiyya bana gargajiya bane Babu abinda maganin gargajiya zai Masa face ya Kara rikitar da jikinsa gobe insha allahu munada ganin likita idan munje zanyi Masa bayanin komi dangane da jikin nasa ,Dan Haka ki kwantar da hankalinki insha allahu Dan uwanki zai samu lafiya yanzun Haka zan tura tabawa taje ta sanar wa da masu kula dashi zuwana dubashi"