لعبة الحياة (رواية ليبية )

حلقة 3

رواية #لعبة_الحياة_
( خيال ممزوج بلواقع )
للكاتبة #أية
الرواية بلهجة الليبية
حلقة 3
🔥
.
.
.
كنا فالمستشفي وكنت نهدرز مع كمال ونوكل فيه

وهل كمال كل يوم يجو للمتسشفي بس ما حد يبات معاه الا انا بس وربيع مش مسيبنا لعند الفجر مرات يقعد مع كمال يكسدو ويهدرزو

كان الوقت ظهر وكان كمان واخذ جرعة وراقد والبنات عندي

ايه >> ماحوتك خلاني نجي تخيلي
سارة >> معقولة ابراهيم كنه
ايه >> رايح حقير وانا تعبت ومليت منه في كل موضوع دايرلي قصة ودايرلي الف حاجه وحاجه
يدخل في لبسي وطلوعي وفي كل شي شكاك بكل كان يلقا يخش في عقلي جوا عشان يعرف شن نفكر ويتريح

انا >> هو من قبل هكي ؟
ايه >> اه بس الفترة هذي بزيادة بكل

قعدنا نهدرزو مع بعضنا شويه و ايه جا خوها خذاها ما بتش اطول عشان ابراهيم

وقعدت انا وسارة مكسدين وتهدرزلي تغيرلي في جوي و شفت ربيع جاي من غادي

سارة كانت مطبسة علي تلفونها ومش فاطنة و حطت التلفون عطاولة ورفعت راسها قابلها ربيع
كان جاي من بعيد لابس اسود و ريحة عطره سابقته ولابس كندرة سودا شتويه و ماسك الدخان ومفتاح السياره والتلفون في يده و يبحت فينا وجاي شورنا

سارة ارتبكت بكل ووجها انحمر انا فطنتلها بس ماكنتش عارفة شن فيه

ربيع صبا حذانا >> السلام عليكم
انا >> وعليكم السلام

سارة مطبسه راسها وساكته وباين عليها الارتباك

ربيع يبحت في سارة ويحكي معايا >> شنجو كمال بعد الجرعة

انا >> تعب شويه ورقد
ربيع >> باهي تمام باهي لي رقد عشان ما يتآلمش

انا طبست راسي وسكتت
ربيع >> تغديتو وبرم عليا
انا >> لالا والله ما فيش نية وشبعنا من القهوة

ربيع >> لا تو نزرق نجيبلكن حاجه تاكلوها
سارة رفعت راسها شويه وبحتت فيه بارتباك >>لا ما فيش داعي انا شويه وماشيه

انا >> وانا عارفني ما ناكلش

ربيع ما ردش علي سارة وبحت فيا >> براحتك تبي حاجه قوليلي انا لوطا

ونزل ربيع وسارة فكت ربطة المحرمة شويه وكانها تبي اتنفس انا فطنتلها بس ماكانش عندي نيه نحكي في اي موضوع عقلي مشوش بكل
.
.
.
.
.
روحت سارة للحوش ومليون سؤال في بالها
ليس يتعامل معاها هكي !!! الصوت لي امس عتلفون والشخص الضعيف والي مخنوق كيف تحول هضا كله لجبروت وغرور بطريقة هذي

سارة >> ندزله نساله؟؟؟ ولا نطلع لزقه
اوووووووف شن ندير ليش عقلي مشوش هكي وتفكيري مسيطر عليه