رواية #لعبة_الحياة_
( خيال ممزوج بلواقع )
للكاتبة #أية
الرواية بلهجة الليبية
حلقة 9
🔥
.
.
.
.
ثاني يوم خش ناصر علي عمتي وامي
ناصر >> بنحكيلكم في موضوع ايه
امي >> مش عاجبتك شكلها
عمتي >> ييييي علينا
ناصر >> كملتن دراما ؟ 😒
امي >> بلا كلام فاضي واحكي شن تبي
ناصر >> بنخطب ايه
عمتي >> بسم الله ما طقيتوش شهر تعرفتو ؟؟ ولا را تقعد زريت عالبنت ياناصر
ناصر >~شن بنزر عليها اتفقنا وتفاهمنا وبجد نبي نخطب
عمتي>>تو نكلم مريم بيش تعطينا رقم هل البنت نرنو نحددو موعد
ناصر >> ديرو جوكم وقولولي عشان نجيبلكم الحاجة لي بتمشو بيها ومانبيش جو تعارف بتمشو تخطبو طول وهما يسالو ويردو بعدها دفع وتلبيسة نبي خطبة رسمية مش كلمة
امي >~ علي بركة الله
ناصر >> بنطلع نحكي الباتي
عمتي >> هييي ما قتلش لعند توا
ناصر >> يعرف اني بنخطب بس ماقتلش عيت من وكيف بنعدي نهدرز معاه ونفهمه
عمتي >> باهي
عدا ناصر دوا مع باته و بارك له و اتفقو امتي يديرو الدفع وكم يدفعو وقاله شرطي الوحيد لازم نسال عالعرب قبل بعدها دير لي تبيه
.
.
.
.
.
روح عز من الامارات بعد الشهر لي مر هضا طبعا
ومشاله محمود يستقبله فالمطار وحلفله يروح معاه للحوش يتغدا
محمود >> نورت ياطير
عز >> الله يسلمك
محمود >> اتغدا وتحل معش توريني وجك 🌚
عز >> ان شاء الله نمشي للصين الحقارة مستحيل تحول منك 😒
محمود >> تي اوكي ياراجل
نخش نشوف الحاجه شن دارت فالغدا
خش محمود وعز كلمني علي طول
عز >> ماتقدريش تنزلي نشوفك
انا >> توا مستحيللللل بكل ومحمود لوطا ويبرم وعمامي كلهم قاعدين وقت غدا
عز >>> كان خاطري نشوفك
انا >> مانقدرش والله
عز >> تم خلاص
سكر مني عز و حط التلفون في جيبه وتعقد
محمود >> هي تفضل
قدم عز. عالغدا وتغدا
محمود >> شن نشيلك للحوش ولا بتبات هنا ؟
عز >> لا للحوش الحاجه تراجي يا حانط😒
محمود >> هي سقدلي روحك معناها
عز >> هي
طلع عز وروح الحوشهم
\\\\\\\\
كنت مقعمزة في المطبخ نتغدا انا ميرال ورغد دوبها كيف روحت من الجامعة
رغد >> حمو بكل اليوم
انا >> ماتقعديش تحت المكيف كيف خاشه تنجلطي
رغد >>حميت بكل
صبت رغد فكت محرمتها وعزقت شنطتها وحولت الكندره
أنت تقرأ
لعبة الحياة (رواية ليبية )
Romanceالكاتبة : أية صاحبة رواية المستشفي . رواية تتميز بقصة و لا في الخيال و احدات مشوقة و نهاية اتحداك ان تخيلتها
