لعبة الحياة (رواية ليبية )

حلقة 17

#لعبة_الحياه
.
.
.
.
الحلقة السابعة عشر
.
.
.
عند سارة كانت فالشغل وخشت علي المديره كان حاط اوراق عالمكتب واول ما خشت ساره مسك الاوراق بسرعة وحطهن فالدرج

سارة استغربت >> هذينا الاوراق لي موصي عليه
محمد>> اوكي حطيهن هنا

حطت الاوراق وطلعت لقت السكرتيره

سارة>> ناديه قتلك
نادية >> نعم
سارة>> استاذ محمد فيه حاجه صايره معاه ؟
نادية>> لاالا ليش ؟
سارة>> مش عارفه حسيته مرتبك هكي ومتلخبط
نادية>> لا تهيالك من لصبح خاشه طالعه عليه ويحكي ويضحك عادي
سارة> معناها انا تهيالي ... المهم عطيته اوراق توا بعد يكملهن دزيهن ليا
نادية>> تم
.
.
.
.
عندي انا وايه
كنا فجامعة انا وياها و مازال تقريبا ساعة عالمحاضره

انا >> ياريت لو ما يخلوش فيه وقت بين المحاضره والمحاضره
ايه >> بكككل

مسكت تلفوني نبحت فساعة

انا >> عز امس قال انه بيجي لجامعة
ايه>> وليش جاي؟ 🌚
انا>> اهو يغير في جوه فجامعة 🙂
ايه>> بلا حقاره

ورن تلفوني كان عز
انا >> الو
عز>> وينك؟
انا >> عند الكليه
عز >> اوك

سكر مني وبحتت فيا ايه بنظرة عبيطة

ايه>> انا في الكافيتيريا كملي وتعالي 🤭تك كير يا بيبي

انا>> اوك 😂😂

عدت ايه و نحق في عز جاي من بعيد وفطنلي مصبيه

عز >> خير
انا >> بنعرف كيف خشيت بس

عزق الدخان من يده وعفس عليه ومطبس راسه شوره >> واسطات

ورفع راسه

انا >> امالا مواعيدك واجد هنا 🙂
عز >> هههههههههههه ممكن

كنت مصبيه نحكي معاه وخطمت بنت بحتت فينا كانت تاخذ معايا ف محاضرات من قبل

برم عز شافها >> نعدو من هنا نمشو للمكتبه؟

انا لما قالي المكتبه رقت عليا الحراره>> لالا المكتبه لا منبيش

عز>> مريم شن فيه ؟؟ كنك قصدي نغيرو مكانه بس

وانا نحكيله جابت البنت صحباتها وصبت حذانا

عز >> انا ح نمشي ، خلاص عدي انتي شور ايه

انا برمت بنمشي و عز برضو

شوي البنت قالت >> نفس التصبايه هذي كانت تصبي فيها مع كمال !

صاحبتها >> مافيش قلب بكل ! تؤتؤتؤ

انا برمت عليهن وبحتت في عز بعيوني قتله ما تدخلش

انا >> اولا لما بتحكو عليا ديرولي تاق بيش نجي نحكي معاكن !😂
ثاني شي عيب تجيبي فـ سيرة الميت !
علي الاقل قولي الله يرحمه .. وثالث نقطه واهم نقطه ربي ما حطكش رقيب عليا بيش تقيمي تصرفاتي خليك في قرايتك