لعبة الحياة (رواية ليبية )

حلقة 11

#لعبة_الحياة
.
.
.
.
الحلقة الحادي عشر
.
.
.
.
.
كنا دايرين عشا يومها للجارات ولعرب الحوش وعمامي كلهم ملتمين

مروة>>وين حطيتو السفر الكبار 🙄
انا >> اطلعي للمطبخ البراني في المخزن  ونتي اتمرخي 😒

مروة >> بنحول الكندرة ضايقتني

كانت لابسة بنطلون قماش بيج وعليه بلوزة دميه و طلعت بدون كندرتها

عموري كان مع الرجاله وطلع بعدها من لاوره يدخن

حق مروة تجري للمخزن عزق الدخان وعفس عليه ونفخ فوق وبحت يمين ويسار ومشا شورها

مروة عاطيه الباب بظهرها و ترفع في روحها تبي اطق السفرة لي فوق

عمر كان فاك جبس كراعة بس مازالت توجع فيه ومازال جبس يده مافكش

مروة>> اووووف من حاطها فوق

كانت ترفع في يديها بطق السفر لي فوق

قرب عمر منها وجا وراها بزبط ورفع يده وكان اطول منها كر السفرة ونزلها لوطا 🙂

مروة اتنفس بقوة و قلبها يدق ومازالت ما التفتتش وشافاته بس تعرفه من صوت نفسة ومن عطره

مروة >> عمر🙂

عمر >> كيف عرفتي ؟🌚
مروة برمت عليه ومازال قريب منها بكل >> مافيش حد يفجع فيا غيرك😒😒

عمر قرب خطوه وكان بينهم مقدار شعرة بسسسس

عمر >> مش عليا وغمز كيف عرفتيني ؟؟ 🙂
مروة معش عرفت تحكي غمضت عيونها >> انت لما تقعد اتنفس اتنفس بسررررعة بكل و اتنهد فا عرفتك 🙄وحول من قدامي

عمر >> مركزة فالنفس اووبا 😌
مروة>> متربيين مع بعضنا ولا نسيت 😈
عمر >> مانسيتش 😉
وقعد يبحت في عيونها
مروة>> ممكن تحول عشانك لاصق فيا 🙂

عمر >> كان حولت حا تردي جالطه ولسانك طويل انا عارفك بس وانا هكي حاتقعدي خايفه وكويسه 😌

مروة >> لا مش حانقعد جالطه بس حول عشان اكيد حا يدوروني ويجو هنا يحقونا هكي ما يسير شي 🙂🙄

عمر بعد من عليها خذت مروةالسفرة وبرمت تبي تمشي >> اووووووف منك 🙄

عمر >> بدينا ؟😂
مروة بحتت عطاته نظره
عمر >> كنك حفيانه ياتشرد😂
مروة>> خطاني 🌚
عمر >> را نجيك

طلعتله لسانها وطلعت تجري😝

عمر >> اخخخخ ياربي بسسس

طلع عمر وعطر مروة لاصق فيه وحس للحظة انه معجب بيها وقعد يحول في الفكرة من راسه وانه هوا بس يبي يلعب بقلبها ما يبيش يحبها

.
.
.
.
.
كنا فالمطبخ حايسين حطينا العشا وتعشو الناس وشويه شويه اللي هضا بدا يروح قعدنا بس هل الحوش