لعبة الحياة (رواية ليبية )

حلقة 7

رواية #لعبة_الحياة_
( خيال ممزوج بلواقع )
للكاتبة #أية
الرواية بلهجة الليبية
حلقة 7
🔥
.
.
.
.
روحت سارة من الشغل ودوشت و دزت الربيع رساله
* بعد تروح رن عليا نبي نحكي معاك •

وشويه هكي ورن ربيع

ربيع >> الو

سارة >> خير
ربيع >> صايره حاجه ؟
سارة>> لا بنحكي معاك علي صار مبدري

ربيع سكت

سارة >> ربيع تهيالي لي صار غلط صح ؟ وانا كا بنت لو حد شاف عليا حاجه معش حا يقعد ليا مكان فالشغل هضا وغير هكي سمعتي حاتخرب
يعني لقطتك لي درتها مالهش داعي اصلا انك تجيني لمكان شغلي ؟ وثاني شي بصفتك من تجي

ربيع >> بصفتي من ؟؟؟ لا صح معاك الحق انا غلطان و ما فيش داعي اني نجي و هضا شغلك ومكان شغلك

سارة>> ربيع ما تمسكش فالكلمة نحن نحكو واصحاب لنا فترة بس هضا ما يعطيكش الحق تجيني صح بصفتك من جايني للشغل ؟؟ شن يقولو عليا الناس ؟

ربيع >> خلاص ماقتلك انا غلطان عليش تكثري فالكلام ولا تبي اديري قصة وموضوع وخلاص ؟؟ يعني انتي مش عارفه عليش نحكو وليش نجي وليش هضا كله

سارة>> لا مش عارفه ونبي نعرف عشان هكي كلمتك

ربيع >> سارة العبط انا مانحبش وانتي فاهمه وانا فاهم تهيالي قصة اثنين يحكو مع بعضهم عشان صداقة هذي قديمة شويه كان بامكاني وامكانك تسكري الموضوع من هذكي المكالمة بس لي صار صار

سارة >> يعني شنو توا ؟؟ انا بنفهم كان نحن مش اصدقاء شن نقعدو خوت مثلا ولاعيال عم ؟؟

ربيع >> سارة انا بنسكر لما تعرفي انتي شن تبي ولما تعرفي صفتي في حياتك رقمي عندك ... الكلام لي تقولي فيه انا مانتحملش ومش عارف اصلا كيف كملت معاكي النقاش خلاص اوكي

جت سارة بتحكي وسكر ربيع الخط
تعقدددت بكل و رقالها كانت عارفه طبعا شن يقصد ربيع بكلامه بس كانت تبي تسمعها منه وتبي اتريح
.
.
.
.
.
.
ثاني يوم جني ايه وسارة للحوش و طبعا كنت متفقة مع عميمه زهرة انها تحاول اطلع ناصر للجنان وانا والبنات نقعدو فالجنان كيف اللي بنديرولهم مقابله شرعية بس بدون ما يعرفو😂

نزلنا لوطا وانا وسارة نبحتو في بعضنا و نبو نضحكو و ايه فاطنه انه في شي بس ساكته

انا >> ايه كنك ما حولتي محرمتك
ايه>> مش مسشورة شعري فكيني
سارة>> تي كويس بلاش طروح
ايه استغربت >>لالا خليه

كانت لابسه بنطلون امريكي ضيق وبلوزه بيضا قصيره شويه

صبت سارة دروحها تبي الحمام بس كانت تبي تخليهم بروحهم وانا معاهم عشان ما يتحشموش