#لعبة_الحياة
.
.
.
الحلقة الثامنة عشر
.
.
انا >> باه تعالي بنقولك حاجه 😒😂
رغد >> شنو
انا>>سكري الدار وتعالي
سكرت رغد الباب وجت قعمزت جنبي
انا >> حكينا انا وعز في موضوع هكي
رغد >~ هو نفسه الموضوع لي في بالي
انا >> هو نفسه 🙂💔
رغد >> ولما كنت نحكيلك كنتي اديري في روحك غبيه
انا>>صبي من قدام وجي معش بنحكي
رغد>> خلاص سكتت احكي
انا>> من فترة هكي حكالي عز انه يبيني بجد وانه في مشاعر ناحيتي
وحكينا في موضوعنا بس في حاجه وحده بس
رغد>> الي هيه
انا>>امه مش موافقه
رغد>>عنها ما وافقت 🙂
انا>> نحكي جد
رغد>> اسمعي ماتحرقيش دمك علي شي مش حايسيرلك اكثر من اللي صارلك توكلي علي الله وكل شي حا يمشي
انا >> يارب
طلعت رغد وانا قعدت نفكر لو ماصارش نصيب مع عز مش عارفه شن حايسيرلي مش عشان نبي نجوز وخلاص بالعكس كنت شايله الفكره من بالي
بس تعلقت بيه قعد جزء من روتيني علي طول الفترة هذي
.
.
.
عند سارة
بعد الصدمة يلي حصلتها معش عرفت كيف تصرف ولا قدرت تحكي
خشت للحوش و كلمت سفيان خوها
سارة>>نبي نطلب طلب !
سفيان>>احكي
سارة>>رن علي ربيع توا وقوله تعال فلحوش علي اساس تبي تحكي معاه في موضوع
سفيان >> شن في ؟
سارة>> سفيان الله يربحك دير لي قتلك عليه في موضوع بنحكيه معاه ولازم نحكيه وجها لوجه
سفيان>>باهي اللي يريحك
طلع سفيان وكلم ربيع
سفيان>>خطم اشرب فنجان قهوة
ربيع>> تم
وربيع ما صدق وساعة وكان عندهم
سفيان>>ربيع فالصالون
سارة>>ماما في دارها ماتندريش علي شي مافيش داعي تحكيلها
سفيان>>بلكي تفهميني ؟
سارة>> خليني نطلعله بعد نكمل نجي
سفيان>>اطلعي
لبست سارة بدلة الصلاة وطلعت للصالون لقت ربيع مقعمز
ربيع بحت >> اوووو والله كنت بنقول السفيان يخليك تطلعي
سارة ساكته و ماتبحتش فيه بكل قعمزت في نهاية الصالون
ربيع>> كنك ؟؟
سارة رفعت راسها >> من مها ؟؟
ملامح الصدمة بدن يرتسمن علي وجه ربيع
قعمز عالكرسي و حط يديه علي عيونه
سارة مقعمزه وساكته
نزل يديه ورفع راسه>>كنت عارف انك ح تعرفي بس ما كنتش نبيك تعرفي توا
سارة>>امتي كنت تبيني نعرف؟ بعد نقرو الفاتحه و نقعد علي ذمتك ومانقدرش ندير شي ؟
ربيع>>سارة افهمي ! انتي مش عارفه الظروف لي انا تجوزت فيهن كانن ظروف جبرني والله ماكان في شي في يدي ... يعني انجبرت ما كانش اختياري ما اخترتهش هي انفرضت عليا وماقدرتش نوخر
بس انتي انا اخترتك ! انا لي حفيت وراك وقعدت وراك ومعاك سنتين ونبيك لما عرفتك كنت ليا سنة اسمي متجوز غصبا عني و مرضت كمال وموته
وبعدها جيتي انتي وعرفتك ومن لما شفتك ماقدرتش مانحكيش معاك ماقدرتش مانحبكش
افهميني وعطيني فرصة
أنت تقرأ
لعبة الحياة (رواية ليبية )
Romanceالكاتبة : أية صاحبة رواية المستشفي . رواية تتميز بقصة و لا في الخيال و احدات مشوقة و نهاية اتحداك ان تخيلتها
