لعبة الحياة (رواية ليبية )

حلقة 8

رواية #لعبة_الحياة_
( خيال ممزوج بلواقع )
للكاتبة #أية
الرواية بلهجة الليبية
حلقة 8
🔥
.
.

دزلي رسالة طيارتي اليوم الفجر

دزيتله " توصل بسلامة "

شوية هكي ورن عليا
انا >> الو
عز >> ايوه شنجوك
انا >> تمام
عز >> نحسابك رقدتي
انا >> لامازال ١٢ الساعه امتي ماشي لمطار
عز >> الساعة ٢
انا >> باهي توصل بسلامة
عز >> اممم كنه صوتك
انا >> كنه؟
عز>> لا شي نسال
انا >> لا عادي مافي شي
عز >> تمام معناها
انا>> وتيت دبشك
عز >>اه واتي دبشي حمو غاي بكل خذيت دبش خفيف كله
انا>> باهي تمام بلكي تجيبلنا وحده اماراتيه من غادي

عز ضحك>> ههههه ازعمة
انا >> ليش لا نتريحو عليك
عز >> ان شاء الله

وقعدنا نحكو شويه هكي لعند طلع ومشا للمطار

خشيت للحمام توضيت وصليت الفجر و كنت مخنوقه بكل سجدت وقعدت ندعي الربي يريحني وقعدت نبكي لعند نعست سلحت ملاية الصلاة وخشيت السريري خذاني النوم علي طول
.
.
.
.
.
.
فالصبح سارة كانت فالمكتب تشتغل وتحكي مع ايه

ايه>> شن جو الشغل ؟؟
سارة>> ماشي تمام بكل نفس الروتين اوراق وحسابات وارقام بس تعودت عليه

ايه >> باهي لي تعودتي كلا انا عارفتيني معنديش راس للشغل بكل
سارة>> هههههه عارفتك

ايه >> قوليلي شن صار مع ربيع

سارة>> ماصارش شي من هذك المكالمة لا انا حكيت معاه ولا هوا حكي معايا ومش عارفه شن حايسير

ايه >> سارة بصراحة حبيتيه؟
سارة>> والله مانعرف بس اللي نعرفه اني متعودة عليه بكل خلاص السنه هذي تقريبا ولا اكثر وانا نحكي معاه شبة يومي بس زي ما قالت مريم بجد طبعي وطبع ربيع صعبات مش عارفه كيف نبي نتفاهمو

ايه >> انتي بس خففي طولة لسان شويه عشان تقدري تمشي امورك🌚 مش كل شي بالعياط و العصبيه والله بس انتي شكلك هكي بديتي تحبيه

سارة>> ممكن بديت نحبه ما نعرفش وهوا لما لمحلي بعد اخر مكالمة بس بجد مش عارفه شن ندير منبيش علاقة و قصة ونحبك ونبي نشوفك انا مش في خلوق للحاجات هذينا بغدد

ايه>> صدقيني الحب سمح بس مع الشخص لي يستاهل والي يقدر الحب لما تحبي ربيع بجد حاتقدمي تنازلات عمرك في حياتك ما توقعتي تقدميهن اكيد مش حتنازلي بروحك بس حتي هوا حايضحي لو حبكم محتاج تضحيه

سارة>> والله مش عارفه شن ندير نسيب الموضوع هكي لعند تجيبه الصدفه وخلاص

ايه >> مش عارفه بس لازم تحكو مش معقولة بتقعدو هكي مافيش معجزة حاتصير يعني