At Your Service (Collection of Short Story)

Miss Inosente [Part 2] (Edited)

Copyright © 2011 Chiichoi. All rights reserved.

===========================================================

I just can’t help but to always think about what you’re doing and if you’re okay. I guess that’s how I slowly fell in love with you.

 ===========================================================

Nakangiting pinapanood ni Eloisa ang mga kapatid at si Ian. Bakit? Well, lagi kasing nasa tabi niya ang binata at araw-araw siyang hinahatid at sundo nito sa work na madalas nagiging dahilan ng tukso sa kanilang dalawa, which is gusto naman niya. Tinutulungan rin ni Ian ang mga kapatid niya sa homeworks dahil kahit siya ay hirap sa pagtulong dito. Minsan nga ay tinuturuan din siya nito ng English like what boss kuya used to do with her.

“Hello, Kuya Patrick! Turuan mo naman po ako sa science homework namin,” sabi ng kapatid niyang pangatlo na si Elmer. Tumatakbo namang tumalon papunta sa lalaki ang pinakabunso nilang si Ella na 5 years old lang. Yumakap ito sa lalaki.

“Tuya Patrice!” Sabi ng medyo bulol pa niyang kapatid. Hindi niya mapigilang mapabungisngis. Hindi parin kasi talaga nito ma-pronounce ang pangalan ng lalaki. Yumakap naman ang lalaking doctor sa kapatid niyang bunso.

“Hello, princess, may pasalubong si kuya sayo,” sabi nito at inilabas ang doll na kanina pa nito itinatago.

“Ikaw talaga, Ian, hindi mo na dapat ini-spoiled yang si Ella. Naku, hindi ko kayang ibigay ang luho ng mga kapatid ko no kapag nasanay na may pasalubong every night,” sabi niya at umupo sa tapat nito. Full packed na kasi ang upuan sa tabi ng binata. Nakahilera ang mga kapatid niya sa tabi nito.

“Ibinigay lang kasi ito sa akin ng pasyente kong bata. E wala naman bata sa family namin kaya ibinigay ko na lang sa kanya. At saka like ni Princess Ella ang doll na ito diba?” sabi nito at pinisil pa ang pisngi ng kapatid na nakangiti at abala na sa paglalaro ng bagong laruan.

“Thank you daw sabi ni Ella,” sabi na lang niya sa lalaki kasi nga busy na ang kapatid. “Sige tutulungan ko na lang si Mama sa kusina. Mas inaabangan ka nang mga kapatid ko kaysa sa akin e,” Kunwari ay nagtatampong banat nito sa mga kapatid. Lahat naman ay tumayo at yumakap sa kanya.

“Etong si te tampururot! Siyempre thankful kami sayo no! Kung hindi dahil sayo naku baka nag-bobote na lang kami imbes na nag-aaral pero sawa na kami sa fez mo ate eh kaya kay kuya pogi muna kami kakapit,” sabi ng sumunod sa kanyang si Edna at kinindatan pa ang lalaki na ikinatawa ng huli.

“Oo nga, ate, we love you kaya. Nagpapaturo ako ng assignment para na rin sa ating future no. Extra na lang ang kapogian ni kuya,” sabi naman ng bakla niyang kapatid na si Edmond aka Eda.

“O siya siya. Sige na at pinapatawad ko na kayong lahat. Magpaturo na kayo sa kuya niyo at maghahanda na kami ng makakain ni nanay,” sabi niyang ngiting-ngiti. Sobrang sweet talaga ng mga kapatid niya.

Hindi nagtagal at tinulungan na ni Ian ang mga kapatid niya sa homeworks ng msa ito at nakapagluto na rin sila ng pagkain. It was a smooth sailing night at peaceful hanggang sa tawagan si Ian dahil emergency.

“Sorry, hindi na ako pwedeng magtagal may emergency,” sabi nito at tumingin sa lahat ngunit mas matagal ang tingin nito sa kanya. Tumungo siya at tumayo na.

“O yakapin niyo na si Kuya niyo at magpasalamat. Papasok na sa work siya eh,” sabi niya at nagsiyakapan na ang mga ito at nagpasalamat. Lumakad na sila papunta sa pinagparadahan nito ng kotse. Maliit kasi ang eskinita nila kaya hindi makapasok ang kotse nito. Pinapabantay na lang niya ito sa mga kaibigang tambay sa kanto.