At Your Service (Collection of Short Story)

Mister Arogante - Part 1

Copyright © 2011 Chiichoi. All rights reserved.

=========================================================== 

Dati alam ko kung sino pa ako pero ngayon hindi na. You change me and I actually like it pero huwag mo akong sisihin kung bumalik ako sa dati or worst, if you’re planning to leave me.

 ===========================================================

Black leather jacket, helmet, jeans and a Harleys. Nag-park si Seige sa parking lot ng mga empleyado ng pinagtratrabahuhan niyang Café. Alam na ng mga empleyado kung sino ang dumating kapag nakita na nila ang black Harleys na naka-park doon. Siya lang naman kasi ang nagpapatakbo ng motor dahil masyado daw delikado ito para sa ibang kasamahan.

Well, dangerous was his second name or more like his a dare-devil. Lagi siyang nakikipag-laro kay kamatayan. Well, everynight ay lagi siyang napapa-away sa mga lasing na tao sa pinapasukan niya. Maangas daw kasi siya at mayabang. Well, parte ito ng trabaho niya kung lalamya-lamya siya ay hindi niya maipagtatanggol ang sarili niya sa mga lasing na tao sa loob at labas ng pinapasukan niya.

Isa siyang bartender sa Prosopikotita Cafe na pag-aari ng kanyang half-brother na si Blu, at walang nakakaalam na magkamag-anak sila. Sino nga ba naman ang mag-aakalang may gagong half-brother si Blu na sobrang matino?

Pagkatapos niyang mag-park ay dumiretso na siyang pumasok sa cafe. He waved at Cain na naging ka-close na rin naman niya. Lahat naman kasi sa loob ng Café ay magkakaibigan. Nagbibihis na kasi ito sa locker room para makauwi na rin.

“Musta pare?” tanong ni Cain sa kanya habang naghuhubad ito.

“Okay lang. Walang excitement na nakita papunta dito,” bored na sabi niya dito

“Buti ka pa.”

 “Wag mo sabihing kinukulit ka na naman ni Cle? Baliw talaga yung babaeng iyon,” sabi niya at napatawa.

"Basta weird siya. Lagi kong tinataboy, laging lumalapit. Lahat ba ng mayayaman may pagka-krung krung, pare?” Naiiritang sabi nito.

“Yung iba lang pare. Medyo malas ka nga lang kasi lapitin ka ng krung-krung,” natatawang sabi niya at lumapit sa salamin para sa last look. Nang sa tingin niya ay okay na siya ay dumiretso siya ng tayo and tumingin kay Cain. “Sige, ako ay mag-aayos na doon sa puwesto ko,” sabi niya at tinapik ang balikat ng lalaki.

He left Cain at dumiretso na siya sa isang parte ng café na hindi binubuksan sa umaga. The place he owns. Yup, hindi alam ng mga tao na magka-partner sila ng kapatid sa negosyo at siya mismo ang nagsabi kay Blu na dapat ay 24hours ang service ng café para mas marami ang kita at dahil doon meron silang ‘Bar Lounge’.

“Oh, andito ka na pala.” Napalingon siya sa nagsalita. Ang half-brother niyang si Blu. Tumungo na lang siya dito para sabihin na nakita niya ito. He walked inside the bar and started cleaning and stocking the bar ng lumapit si Blu.

“Mukhang kailangan mo nang tulong ko mamaya. Madami kasing tao kanina sa cafe e,” sabi nito at umupo sa stool na nasa harapan ng bar.

“Bahala ka,” maikling sabi lang niya dito. Simula nung unang ipakilala siya ng tatay ni Blu dito ay aloof pa rin siya dito kahit na nga ba it has been 24 years ago. Hindi naman sa ayaw niyang maging close sila but he choose to be aloof and distance himself to Blu. Hindi nga niya maintindihan kung bakit mabait pa rin ito sa kanya kahit na alam nilang dalawa na ang nanay niya ang kumabit sa tatay nito kahit nabubuhay pa ang mama ni Blu.

Nakita niyang nagkibit balikat na lang si Blu sa pambabaliwala niya dito. Tumayo na ito at lumakad ulit sa may main Cafe. Alam nitong mas trip niyang mag-ayos nang mag-isa at walang magulo sa paligid.