KADA JELAS! [Bima & Meysa]

KJ - 2

JANGAN KADA INGAT MAMICIK BINTANG NANG DI BAWAH SANAK LAH😚❤️❤️

JANGAN JADI PAMBACA NANG RANAI WARA SANAK AI😚❤️❤️

Ily, dadah👋🏻❤️

• • •

Meysa Bapandir

Pas aku habis mamarkir sapidaku tadi, sakalinya ada urang bakuciak singnyaringan matan ujung sana. Takajut ai aku nih, asa suah mandangar suaranya. Pas aku babalik...

"MEYSAA!!!" Ujar urang tadi

"ASTAGHFIRULLAH MUALIM-SAMA!!!!" Ujarku bakuciak jua pas malihat siapa yang mangiau. Bukah langsung aku nunti'i urang yang bakuciak tadi, sanang banar hatiku hah melihat inya nih. Buhanmu tahulah siapa inya? Pasti kada tahu kalo, sini nah aku madah akan.

Flashback~

Pas di ambin kalas 9E

"Jah ikam nih bajajauh sakulah ka Banjar gasan napa?!" Ujarku manyanyarik ka Ijah.

"Imbah pang kaya apa? Abahku tu nah handak aku masuk sakulah di Banjar" Ujar Ijah pasrah.

"Coba kancangi Abahmu tuh, ulun kada handak tu sakulah di Banjar, ulun handak di Amuntai haja" Ujarku sambil maminum pop ice yang ku tukar tadi.

"Bungulnya ikam nih. Ikam nyaman bapadah kaya itu, kalo ko aku kana tawak Abahku panci pas bakakancangan kaya apa ha?!" Ujar Ijah bapandir sambil manciling ka aku.

"Maii Alhamdulillah aku mun ikam kana tawak panci, hapuk akan situ" Ujarku bangga.

"Humaa ai bungulnya baisi kawan kaya inian" Ujar Ijah murka

"Ayoo pang nah jah, sakulah di SMA Pertiwi 2 ja, nyaman sama kita. Jadi kan aku kada bisa bakandaraan, kawa ikam mambawa aku pas kita mos. Tapi situ kawa garang mambawa aku, kalo ko rabahan tatajun ka sungai kaya apa am hahaha" Ujarku sambil tatawa galak.

"Hiih lah, habis rabahan hancuran peralatan gasan mos. Habis am kana sariki kaka yang mambimbing mos kita wkwkk" Ujar Ijah jua maulah kisah.

'Teng neng neng neng neng neng teng neng neng neng neng neng neng...'

'jam istirahat sudah habis, kepada seluruh siswa di harapkan masuk ke kelasnya masing-masing'

"Nah babunyi sudah bel. Ayuha nah aku handak ka kalas hulu. Ingat akan lah sakulah di SMA Pertiwi 2, awas ha amun kada aku maraju tu pang!" Ujarku bakuciak sambil bajalan manuju kalas.

"IHAA!" Ujar Ijah bakuciak jua.

Flashback Tuntung~

"Ya Allah jahh ikam sakulah di sini jua kah?!! Sanangnya aku hah!!!" Ujarku bakuciak di hadapan muhanya.

"Bungulnya nginih tampias liurmu tu nah ka aku. Ikam nih kuciak2 aku nang supan njengg" Ujar Ijah sambil manyapui muhanya.

"Ikam kan kawanku kalo, jadi ikam kada suah supan mun lawan aku nih wahaha" Ujarku sambil tatawa manggalakak.

"Baingat woii kalas 10 sudah, masih ja pina manggila" Ujar Ijah mancatuk kapalaku.

"Kaya situ kada gila ha jua. Ehh napa nih jadi sakulah di sini, ujar di suruh abahmu ka banjar?" Takunku.

"Sekian lawas aku manggasak-gasak abahku supaya aku masuk SMA Pertiwi 2 akhirnya aku di masuk akan abahku jua ai ka sini" Ujar Ijah marasa paiyanya.

"Iha sarahmu ai, yang penting aku satu sakulahan lawan ikam yeyy..yeyy" Ujarku sambil baputar-putar di tempat, sampai-sampai cangangi urang. Sangka urang aku gila kalo hehe.

Pas raramiannya bapandiran, datang dua makhluk yang tidak terduga. Ehh kada jadi dua, sakalinya ba anam.

Buhanmu tahu lah pulang siapa ngintuh? Pasti kada tahu klo. Nah nang ba anam tadi tuh ce'es ku waktu SMP. Maginnya ai nah sanang hatiku nah, takumpulan lawan ce'es2 ku nih.

Satup dulu lah kisahnya. Aku handak mamadah akan siapa-siapa ja ce'es ku waktu di SMP. Ce'es ku tuh ba tujuh, ada si Ijah, Fati, Imah, Ayya, Dini, Kirana, lawan Sarah. Kami nih misalnya batamuan tuh bisa kada waras, tapi ada ai nang waras masih kaya si Imah, Kirana, lawan Sarah. Nah hanyar kita lanjut ka kisahnya.

"YA ALLAH KANAPA JADI DUNIA NIH SEMPIT BANAR YO LAH?" Ujarku kada santuy

"Ehh Meysa, BANJARMASIN ENGKOL SANAKK..." Ujar Fati heboh pas melihat aku.

"Sakit pinggang nanananana....datahu sambungannya unda nah wkwkk" Ujar Sarah handak banyanyi tapi lirik imbahnya kada ingat.

"Ehh jeng Rana pakabar pian ululuuu..." Ujarku sambil baparak handak cipika-cipiki.

"Ehh iya jeng baek aja nah ulun" Ujar Rana mambalas cipika-cipiki ku.

"HAII GESS.." Ujar Ayya

"Eyy buhannya parasaan ada nang bapandir kam, sapa yo lah??" Ujar Ijah.

Aku nang paham langsung manyambung.

"Aiii hiih lah, suara sapa yo? Ihh gaibnya" Ujarku lawan suara katakutan

"Dasar bahantu jua parkiran sini nih, baugahan nah" Ujar Kirana sambil manariki tangan2 kami.

"Iha dah buhanmu nih, maraju aku" Ujar Ayya sambil marangut.

"Huma ai ya bagayaan narai tadi tu wkwkk" Ujar Ijah sambil tatawa.

"Sudah gi jangan bakalahi, kita ka lapangan ja nah. Kena mun lambat kana sariki kaka yang mambimbingnya" Ujar Imah

Kada lawas Imah manyambat ngintuh, pas banar kakanya maudak mikrupun sudah.

"Kepada seluruh adik-adik mos, di harapkan segera ke lapangan untuk pembukaan hari pertama mos kalian. Misalnya lambat ka lapangan sa manit ja, kana hukum!"

"Dah capati kita ka lapangan, kena kana hukum bisa gawat" Ujar Dini kada sabaran.

Kami pun bajalan manuju lapangan. Wihh raja luas lapangannya, bagus ha pulang sakulahannya. Kada sia-sia kalo nah aku masuk sini.

Pambukaan mos pun di mulai, acara pambukaannya banyak banar. Ada penampilan tari dari kaka kelas, kaka kelas malawak (sebenarnya kada lucu pang kakanya malawak, tapi di paksa akan ai tatawa), dan lain-lain.

• • •

Makin lanjut makin kada jelas lih kisahnya? Sama ai kaya judulnya kada jelas😚😂😂