KADA JELAS! [Bima & Meysa]

KJ - 1

JANGAN KADA INGAT MAMICIK BINTANG NANG DI BAWAH SANAK LAH😚❤️❤️

JANGAN JADI PAMBACA NANG RANAI WARA SANAK AI😚❤️❤️

Ily, dadah👋🏻❤️

• • •

Author Bapandir

'Pok..pok..pok..pokkkee...'

Kuriakan ayam di higa rumah Meysa babunyi nyaring, baarti hari sudah pagi. Meysa si binian lamak tapi imut tuh pina tutulian urangnya, nyaring banar sudah ayam bakuriakan masih ja kada mau bangun.

"Mey..Meysa, bangun nak pagi dah harinya. Hari ini ikam mos kalo? Capati ha lah bangun mama mahadangi di bawah" Ujar Mamanya Meysa bakakajutan masuk kamar Meysa.

"HAHH?! MAMA NIH KAWA KAH MANGATUK LAWANG HULU HANYAR BAPANDIR. TAKAJUT ULUN MA AI, ASLI DAH MAMA NIH JAHAT HUHUHU..." Meysa takajut gara2 mamanya kada mangatuk lawang hulu sabalum masuk, lalu ai lagi Meysa mangancang ka Mamanya.

"Bawa batanang sanak, kada ingat Mama nak ai. Capati gen mandi hari ini mos kalo" Ujar Mama Meysa. "Inggih Ma, hadangi hulu satumat" Ujar Meysa

Dikira tadi si Meysa pacangan babangun pang gasan mandi, tapi tidak semudah itu ferguso. Harau Meysa nya guring pulang. Sudahnya guring mangaruh, taliur ha pulang.

5 menit

10 menit

Sakalinya kada ja bangun-bangun Meysa nya. Mamanya Meysa murka lawan anaknya sorang. Naik ka atas Mamanya Meysa mambawa parang (kada ah bagayaan ja wkk).

"BAISI ANAK BABINI TAPI KALAKUAN KAYA INI YA ALLAH, DI SURUH BANGUN, GURING PULANG SAKALINYA URANGNYA. IKAM MUN KADA BANGUN KU SUMBALIH IKAM!!!" Murka Mamanya Meysa.

"Ehh ampun2 Ma jangan bakakancangan susubuhan, nih pang nah anakmu nang bungas bangun dah" Ujar Meysa kaluar kamar sambil tatawa kaya urang gila.

"Asa manyasal mama mamungut ikam di bawah jambatan dahulu lih. Mun tahu ganalnya kaya ini, kada ku ambil tu pang ikam" Ujar Mamanya Meysa bagayaan sambil bajalan ka arah dapur.

"Muyak mama nih. Dah ulun handak mandi duluuu" Ujar Meysa sambil bukah ka kamar mandi.

• • •

"Mamaaaa...makanan ulun di buat ka bekal aja Ma lah, kalo lambat ulun nah" Kuciak Meysa di ruang makan.

"Huma ai jangan kuciak2, sakit talinga Mama nah. Tuh mama sudah buat akan makananmu ka bekal" Ujar Mama Meysa.

"Makasih Ma, ulun tulak sakulah hulu. Assalamualaikum" Ujar Meysa bakuciak di luar rumah.

"Waalaikumsallam nak, hati-hati di jalan kalo tagipak lubak rabah. Situ awak lamak, kada kawa babangun kena" Ujar Mama Meysa bagayaan.

"Muyak nah ma" Ujar Meysa maraju.

• • •

Meysa sampai dah di sakulahan, inya mamarkir akan sapida pink puligunnya di paujungan. Sakalinya ada urang bakuciak mangiau namanya.

"MEYSAA!!!" Ujar urang tadi

"ASTAGHFIRULLAH MUALIM-SAMA!!!!" Ujar Meysa bakuciak jua pas malihat siapa yang mangiau inya. Meysa bukah nunti'i urang tadi, sanang banar hati Meysa bisa satu sakulahan pulang lawan urang tadi.

• • •

Nah jadi siapa tadi yang mangiau Meysa? Unda yang manulis ja balum tahu lagi, buntu lagi otak nah😂🙏