KADA JELAS! [Bima & Meysa]

KJ - 10

JANGAN KADA INGAT MAMICIK BINTANG NANG DI BAWAH SANAK LAH😚❤️❤️

JANGAN JADI PAMBACA NANG RANAI WARA SANAK AI😚❤️❤️

Ily, dadah👋🏻❤️

• • •

Author Bapandir

Jam 19.15

Akhirnya hujan ampih jua. Jadinya Meysa kawa ai sudah bulik jer.

"Antar kah?" Takun Bima.

"Kada gen, aku inta ambili abahku ja"

"Maras abahmu kena, baik aku ha nang maantar"

Balum sawat Meysa manjawab, babunyi hp Meysa. Sakalinya abahnya Meysa manalipun.

(Yg tulisan tabal, mama/abahnya Meysa nang bapandir)

Napa bah?

Abah handak otw, dimana rumah kakelmu tuh?

Amunnya pian tahu 'HalusMarket', tarus ja tarus pian. Misalnya malihat rumah warna putih campur coklat, nah iyadah tu

Oke

Tutt...tuttt....

"Napa jer abahmu?" Takun ka Bima.

"Otw jer"

• • •

10 menit kemudian

Alhamdulillah abahnya Meysa sudah sampai di rumahnya Bima. Nang warnanya putih bacampur coklat.

(Kisahnya rumah Bima)

Abahnya Meysa mangatuk lawang rumahnya Bima.

Tok..tokk

"Meysa, nih Abah. Lakasi bulikan Abah nukar akan guguduh tiwadak tuh di rumah" Ujar Abahnya Meysa di luar rumah Bima.

Mandangar suara Abahnya Meysa. Bima bajalan ka lawang, handak mambukai lawang.

"Masuk dulu Man" Ujar Bima sopan.

"Inggih ayuja"

Abahnya Meysa masuk ka rumah Bima. Abahnya Meysa malihat Meysa duduk di kursi sofa, di kawani mama abahnya Bima.

Sakalinya abahnya Meysa takajut malihat abahnya Bima. Taciling-ciling ha jua matanya abahnya Meysa.

"WEHH ILHAM!!" Kuciak Abahnya Meysa.

"AIII IKAM ADUL!!" Kuciak Abahnya Bima.

Bukah abahnya Meysa, dan sebaliknya.

Baragapan buhan abah-abah tadi. Saking senangnya abahnya Meysa baluncat bahambin ka Abahnya Bima.

"Kawankuu, lawasnya dah kada batamuan kita" Sanang Abahnya Meysa.

"Turun pang Dul, sakit pinggang aku nah" Ujar Abahnya Bima.

"Aii hiih, ngalih ai urang tuha"

"Abah" Ujar Meysa.

"Nangapang nginih, urang lagi asik lawan bespren nah" Jawab abahnya Meysa

"Abah jahat padahi mama"

"Ehh jangan"

"Pian bakawan kah lawan Abahnya ka Bima?" Takun Meysa.

"Behh kada lagi kawan, bespren abah nih hu lah!" Ujar abahnya Meysa sambil marangkul bahunya abahnya Bima.

Oke, jadi Abahnya Meysa lawan Abahnya Bima tuh dahulu satu SMP lawan satu SMA jua. Bespren banar sidin badua tuh. Nama Abahnya Bima buhannya tahu ai dah kalo? Nah amunnya nama Abahnya Meysa pasti balum tahu. Sini nah aku mamadah akan nama Abahnya Meysa. Nama sidin tuh Ahmad Budi Dwi Abdullah, makanya namanya Meysa ada tabuat dwi-dwi nya jua. Sidin nih sama jua baisi perusahaan sorang namanya 'Dwi's Company'.

"Jadi ngini kah anakmu Bud?" Takun Ilham.

"Iyadong" Ujar Budi sambil marangkul Meysa.

"Dampamnya anakmu Bud, manggarigit akutuhh!!" Ujar mamanya Bima sambil mangibit-ngibit pipinya Meysa.

"Nah itulah bibit nang unggul Rin ai" Ujar Budi maanui Rini atau Rini Kurniawan, Mamanya Bima.

Meysa Bapandir

Hah sangkalnya, abah nih niat handak maambili anak, sakalinya pas tatamu kawan lalu ai kada tahu waktu.

"Abahh lakasi bulikan, jam 20.10 sudah. Kada beingat nih lawan Mama di rumah" Ujarku lawan nada sangkal.

"Aii hiih lah kada ingat. Ilham, Rini, aku pamit bulik hulu lah. Soalnya bini surangan di rumah"

"Ehh ayuja" Ujar paman Ilham.

"Esok minggu kalo, sorenya kita bapanggangan nah di halaman balakang rumahku?" Takun Abahku.

"Nahh iyadah tu. Aku esok kadada gawian jua nah, jadi kawa ai" Jawab Paman Ilham.

"Sip dah, kuy Mey pulang" Ujar Abahku.

"Kiy Miy piling" Hulutku.

Kami pun bulikan ka rumah, sampai rumah kana cilingi Mamaku ha pulang. Dasar Abah nih, hapuk akan situ kita kana cilingi Mama.

Untungnya Abah manjalas akan sabarataan tentang pertemuannya lawan kawan baharinya. Jadi mama ampih manciciling ka kami, yuhuuuu.

"Jadi kakelnya Meysa tadi tuh anaknya Ilham lawan Rini kah?" Takun Mama.

"Inggih sayang ulun" Ujar Abah sambil manggawil dagu Mama.

"Uyy baingat2, sudah tuha tuh kada usah kijil kaya itu pang. Purici ulun malihat" Ujarku manangkis tangan Abah nang handak manggawil dagu Mama.

"Panyarikannya nginih, kaya mamamu waktu dahulu" Ujar Abah.

"Katurunan tu" Ujarku.

"Jadi esok tuh kita bapanggangan di halaman balakang rumah kita Hilda ai. Ulah bumbu panggangan, nukar daging sapi babanyak, habistuh ayam, tahu tempe, dan lain-lain" Ujar Abah.

Hilda tuh Mamaku btw. Nama lengkapnya Hildawati Kusuma. Pekerjaan dokter spesialis anak.

"Siap bos kuu. Mey esok pagi gani'i ka pasar, amunnya kada manggani'i ku potong duit sangu sakulahmu" Ancam Mama. Ngalih ancaman nyai nih.

"Iha iha sarah Mama ai. Sudah nah ulun handak ka kamar, ngantuk. Byee'" Ujarku mangunyur ka kamar.

• • •

Sampai situ dulu lah, kanapa? Alasannya cuma sabuting yaitu kolerr😂😂🙏