KADA JELAS! [Bima & Meysa]

KJ - 4

JANGAN KADA INGAT MAMICIK BINTANG NANG DI BAWAH SANAK LAH😚❤️❤️

JANGAN JADI PAMBACA NANG RANAI WARA SANAK AI😚❤️❤️

Ily, dadah👋🏻😚

• • •

"Napaan nih jadi abutnya!" Ujar Kaka pembimbing tadi manyariki kami.

Aku nih paling kada katuju dah munnya manyanyarik tuh kada melihat kejadiannya.

Jelas-jelasnya ha kami tadi kada tapi nyaring di sambat abut jer, sarr buta ehh kada buta lagi, picakk.

Aku pun mambalas pandiran kaka pembimbing tadi.

"Santuy ja pang Ka, situ gen manyanyarik abut ha jua namanya".

"Nginih ading kalas hanyar masuk di sini wani sudah lawan kakel, handak jadi napa kena?!" Ujarnya kada mau kalah.

"Jadi power renjer ka ai, muyak banar sudah aku!" Ujarku mambalas pulang.

Kaka pembimbing tadi ku lihat asa handak ba amuk, tapi di tahannya. Pas ada kawannya yg manggatuk bahunya.

"Huma ai lih ikam nih Bima, ading kalas pulang di anui. Dasar playboy kawanku nih" Ujar kawannya.

'oh, jadi namanya Ka Bima kah?' Ujar batinku.

"Inya mulai badahulu Jar ai, kada bisa baranai gawian tuh!" Ujar ka Bima mambela diri sorang.

"Datang2 menyanyarik ikam tuh ka ai. Kami nih murid hanyar disini, jakanya tagur begamatan, nih langsung nge elpiji(gas) inya!" Ujarku jua kada mau kalah.

Pas kami haratan cekcok tadi, datang binian kayaknya kaka kelas jua. Subhanallah, Allahuakbar mek ap nya nang kaya acil2 jaga di warung jabl*y.

Tulis kaning nang kaya parang, begincu nang kaya urang manginang habangnya. Nginih nih handak sakulah kah handak ka pangantinan kah? Maka pupur dampung, sudah dampung bapupur tuh kada rata ha pulang. Asa handak takamih aku melihat hah.

"Kanapaan nih?" Ujarnya pas datang ka kami.

"Ini pang Lin ai, pujaan hatimu bekalahi lawan ading kalas gara2 ribut jer" Ujar Ka Fajar baucap, dan langsung di cilingi Ka Bima habis manyambat 'pujaan hatimu'.

"Tahu Ka ai, ka Bima yg mamulai badahul- " Balum habis aku bapandir di potong Kaka binian jabl*y tadi aku.

"Ngini gawian mamuyaki kami wara, ujar Bima jangan ribut masih ja, dasar kada paasian!" Manyanyarik ha Kaka jabl*y nya tadi.

Bungulnya jabl*y nih, datang2 manyanyarik jua. Sama lawan Kaka Bima kalakuan katuju ma elpiji jua sakalinya, bisa laki bini kalo. Kada malihat pang kajadiannya makanya langsung manyanyarik jua, bangsatnya ai.

"Pian nih hanyar datang pang, makanya kada melihat kajadian nang bujurnya, datang2 mangancang Astaghfirullah" Ujarku nada bapandirnya pina mangijil.

Kaka mek ap tabal tadi pina kada tarima di sahuti, bemamai inya gess.

"Dasar kada baadab, hormati pang nang tatuha dari pada sorang. Sorang hanyar masuk sakulah sini, kalakuan pina mambala kaya itu!!!".

Asli sangkal dah lawan Kaka mek ap tabal nih, mangancang tapi kada melihat bebujur kajadiannya, sar bungulll. Aku kada tarima di sambati kada baadab, ku balas ai pandirannya.

"Kisah mandir akan adab nginih, adab situ baiklah dulu ulun batakun? Pian tuh niat sakulah kah atau niat handak pangantinan kah, jadi mek ap tuh tabal banar nang kaya burit panci igat tabalnya?".