كيف تطفشين عريساً(مكتمله)

الفصل الاول🎉

تبدأ قصتنا فى جامعة القاهرة حيث تقفن تلك الفتيات لكن هناك واحدة منهن تجعل كل الانظار تتوجه اليها،فهى بجمالها الغربى الممزوج بالشرقى تخطف الالباب و ما هى إلا بطلتنا " وعد "

تقول إحداهن " فرح " بقلق:
-أنا شكلى كدا هشيل أوبح

تابعت و هى ترفع عينيها للسماء:
-منك لله يا وعد يا بنت طنط أم وعد...إلاهى يا شيخة ربنا يوعدك بواحد يغلبك فى عيشتك على اللى أنتى عملتيه فينا دا!!

نظرت لها تلك الفتاة الحسناء " وعد " بغيظ و تقول:
-إنشالله أنتى يا بعيدة يا اللى تنشكى فى أمعاءك الدكيكة

تقول أخرى " تقى " و هى تقهقه:
-دكيكة...أمال لو مش كلها كام سنة و يقولولك يا دكتورة؟!

قالت وعد بملل:
-لما بقاااااا !!

صاحت فرح بغيظ:
-بقا يا اللى أوطى من الأسفلت اللى بنمشى عليه تسيبينا فى الامتحان مش عارفين أى هباب فى الزفت المادة دى و مترضيش تغشيشينا؟؟؟!

قالت وعد و هى تضحك:
-الله...الدكتور منى كانت جانبي ..كنتى عايزانى اغششك ياختى و درايكولا لزقة فى البنش اللى انا قاعدة فيه؟؟؟

أكملت بأبتسامة بلهاء:
-كنت بقا اغششك و احنا الاتنين يتعملنا محضر غش و لا انا اعدى و انتى تشيلى و يبقى فى حد فينا كسباااان؟؟؟

نظرت لها فرح بغيظ و قالت:
-طب و الله لمصلطه طنط رجاء عليكى!!

هتفت وعد بثقة:
-ابقى اعمليها بس كدا يا بيبى هتلاقينى مسيبه عليكى رعد حبيب قلبى!!

أردفت فرح بخوف:
-لأ وحيات عيالك يا شيخة اللى هيقولولى يا خالتي بلاش رعد!!

رفعت وعد رأسها و هى تقول بتشفى:
-ناس متجيش الا بالعين الحمرا!!

صاحت فرح و هى تشيح بيدها:
-يا شيخة دا انا أحضر محاضرة دكتورة منى أرحم من رعد

قالت تقى بدهشة:
-انا مشفتش بجد بنت رقيقة و قمر زيك كدا أدودو
تربى ديب عندها فى البيت!!

قالت وعد محذرة:
-لو سمحتشى متقوليش على رعودى ديب...هو بس من فصيلة الهاسكى و انتى طبعا عارفة يا فكاكة انه صفاته بتبقى شبه الديابه!!
قالت تقى:
-هيييييييييح...و الله يا شيخة انا ببقى عايزة اضرب نفسي بالجزمة على دماغى عشان دخلت طب بيطرى..دا انا حتى بفكر أغير المجال و اروح اقف بعربية بطاطا على الكورنيش جنب عم صديق!!

قهقهت كلاً من فرح و وعد بشدة على صديقتهم تقى المجنونة ، هتفت فرح:
-و الله يا بنتى مفيش اروق من البت وعد...بتيجى بمزاجها و بتمشى بمزاجها و ساعات متجيش إلا فى السكاشن المهمة بس و ساعات متجيش خالص و تيجى بس على الامتحانات

ثم قالت موجهه كلامها لحور و هى تقبض على يديها:
-يا بختــــــــك يا وعد يا بختـــــك!!