قراءة ممتعة قمراتى😙😙😙
شهقت بصدمة و هى تتراجع للخلف فوقعت على السرير بخفة ، قالت و هى فارغه فاهها:
-وحيات أمك؟؟!
هتف طائف بنبرة خشنة:
-بت متستهبليش..أتلمى كدا و أنتى بتتكلمى مع جوزك!!
تغاضت عن أسلوبه الفظ و قالت موضحه:
-لا يعنى هو بجد و لا أنت بتستهبل و لا أية بالظبط؟؟!
زفر بملل و قال:
-اه بجد و لو مش مصدقة أجبلك أهلك نفر نفر و هما هيقولولك!!
أبتسمت إبتسامة بلهاء و هى تهتف قائلة:
-لا بجد؟!
ربعت ساقيها و قالت بملل:
-حيث كدا بقاا هات فريد و أحمد يسلونى عشان شكل القاعدة مش هتكون لطشيفة معاك ياااا.
قال و هو يمسح على وجهه بنفاذ صبر:
-طائف!!
أدلت شفتها السفلى و قالت:
-جديد..بس حيلووو!!
أكملت بتساؤل:
-إلا أنت عندك كام سنة؟!
جلس على أحد المقاعد قبالتها و قال بسماجة:
-30!!
قالت بحيرة محادثة نفسها بصوت خافت:
-يا جزمة قديمة..و توهمنى و تقولى أربعينى..لما أشوفك بس يا كلب البرك!!
نظرت له لتجده عاقداً ذراعيه و هو يتمعن بها ، أبتسمت له إبتسامة سمجة و قالت:
-هو أنت حاططنى للعرض يعنى و لا أية..أكونش تمثال؟!
أعتدل فى جلسته و هو يقول ببرود:
-بصى بقاا يا بنت الناس..شغل البرود و طولة اللسان و السماجة بتوعك دول مش عليا أنا..تمام؟!
رفعت حاجبها و كذلك شفتها العليا بأستخفاف و من ثم قالت بسوقية:
-لا بص أنت يا دلعدى..أنت لو مطلقتنيش بالذوق كدا و بشياكة هتلاقى نفسك مخلوع يابااا..و ياريت بقااا تمشينى من هنا لحسن أووقسم بالله أصوت و ألم عليك أمه لا إله إلا الله و هقول كان عايز ياخدنى فوق سطح الواد حمادة و شوف بقااا هيعملوا أية دا غير جماعة أقفش متحرش هيظبطوك!!
صاح بتهكم:
-بعد اللت و العجن اللى أنتى قولتيه دا مش هقدر أقولك غير أنك خيالك خصب!!
نظرت له بغيظ فوضع ساق فوق أخرى و هو يقول ببرود تام:
-أنا جوازتى منك دى مكانتش على مزاجى..يعنى زي زيك بالظبط..و لما أجى أطلق هطلق بمزاجى مش هيجى حد و يُأمرنى!!!
حدقت به ببلاهة و هى تقول:
-يعنى أنا مش هعرف أخلص منك؟!
ظنت للحظة أنها لمحت لمحة من الحزن ظهرت على صفحه وجهه الوسيم لكنه قال بقسوه و ملامح أرعبتها:
-صدقينى أنا بتمنى اليوم اللى أخلص فيه منك..لكن للأسف لازم جوازنا دا يستمر لفترة محددة و بعد كدا كل حى يروح لحاله
رمشت عدة مرات بصدمة من قسوته و فظاظته تلك و لكنها تبدلت إلى أخرى و هى تقول بقوة:
-أوك..لكن هما شهرين بالظبط عشان أرجع ألمانيا تانى مع فريد!!
أنت تقرأ
كيف تطفشين عريساً(مكتمله)
Teen Fictionماذا لو قررت عائلتك تزويجك و انتِ فتاة لم تتم بعد عقدها الثانى و كل ذلك بسبب تصرفاتك الطائشة من وجهه نظرهم!!! هل ستخنعين لهم أم ستبدئين فى تنفيذ خطة "كيف تُطفشين عريساً كل حقوق النشر وللكاتبه المبدعه روان ياسين @raro2004
