كيف تطفشين عريساً(مكتمله)

((🙌الفصل التاسع🙌))

فى منزل فرح

-حقييييير...واااااطى..وقــــــح!!!!

صاحت وعد بغضب جم!!

قالت فرح محاولة تهدأتها:
-خلاص يا وعد أهدى..مش حتت واد يعصبك كدا..دا أنتى على طول باردة و محدش بيعرف يستفزك!!

قالت بحنق و هى تخلع حجابها:
-لا دا نوع جديد دا يااامااا..دا تلاجة..ديب فريز..لا و قليل الأدب كمان..و فى الأخر طلع صاحب زيدان..و الفانوس رااااااح رااااااح راااااااااااح!!!

جاءت هدير و هى تطبل على الصينية و هى تقول بمرح:
-راااح راااح راااح لية يا دنيا وشك مقلوب؟؟

نظرت لها وعد بغيظ و قالت:
-أنتوا عمالين تتتريقوا...الفانوس دا ب 400 جنية!!

جاءت تقى بالكعك و هى تقول:
-خلاص..روق دمك كدا يا برنس!!

أكملت و هى تضع أمام كل واحدة منهن طبق به قطعة كعك بالشكولاتة:
-أما عملتلكوا حتة دين كيكة بالشكولاتة..هتكلوا صوبعكم وراها!!

تهللت أسارير وعد و هى تقول بسعادة:
-أيوة كدااا!!!

بدأوا بالأكل و جاءت هدير و هى تحمل بيدها أكواب عصير الرمان الطازج ، قالت وعد و هى ترتشف بعضاً من كوبها:
-عملتى إية مع أهلك صحيح؟!

ردت هدير قائلة و هى تأكل:
-مفيش زعقولى شوية و بعد كدا بيس أول ما عرفوا أنهم عيلة شبهه!!

أومأت لها برضا و من ثم فتحوا أحاديث شتى و قد قصت وعد عليهم ما حدث لها بالأمس...
________________________

فى منزل شاكر الجيار

جلست بهدوء و عيناها بالأرض بجانب والدة نادرو، قالت والدة نادر و هى تربت على كتفها:
-كويسة برضو!!!

أشتعلت عيناها غضباً بسبب تلك العجوز الشمطاء التى تجلس بجانبها ، قالت رجاء بتوجس:
-نسيب العرسان لوحدهم يا جماعة شوية؟؟

نهضت والدة نادر بتثاقل و ذهبت للجلوس بغرفة الجلوس مع والدى وعد ، تنحنح نادر و هو يقول بنبرة متلجلجة:
-أزيك؟؟

نظرت له نظرة غريبة و قالت:
-مش كويسة!!

أبتلع ريقه بتوجس و قال:
-لية مالك؟؟

نظرت حولها بريبة و قالت بصوت خفيض:
-أصل أنا ملبوسة..و هما حواليه دلوقت

أتسعت عيناه بفزع و هو يقول بأرتجاف:
-ع..عفا..عفاريت؟؟!

أومأت ببطئ و عيناها تزوغ فى كل مكان ، قال بترقب:
-يعنى فى دم على وشوشهم؟؟

أجابت بنبرة خفيضة:
-لا بيبقوا بقرون و فى دم على بقوهم و شعرهم منكوش و عينيهم كلها بيضه!!

أتسعت عيناه بهلع لتكمل بمكر و هى تشير على فخذيه:
-زى اللى قاعد على رجلك دلوقت!!

أنتفض و هو يصرخ بهلع:
-لااااا لاااااااااااا
و خرج من المنزل ركضا ً، أبتسمت بظفر بينما جاءوا جميعهم من الداخل ، قال شاكر بتساؤل:
-أية صوت الصويت دا؟؟