أستدار أحمد إليها متأوهاً و هو يقول:
-أنتى دايماً كدا إيدك سبقاكى؟!
نظرت له بغيظ و قالت و هى تشب لتمسكه من ياقه قميصه الأبيض الناصع:
-أوطى منك ما لقيت...بقا يا معفن تقولى هخرجك و هنخربها و أنتى لسة راجعة و معرفش أية تقوم مسهينى و مغفلنى و حاططنى قدام الأمر الواقع أنت و باقية العائلة الكريمة؟!!
قال بسرعة و بخفوت:
-و الله ماليش دعوة أنا حتى أتفاجئت أن طائف جوه أصله قليل لما كان بيجلنا و من حظك الهباب أنه كان موجود!!
زمت شفتيها بضيق و من ثم تركته ليعدل ملابسه و يقول بمرح:
-طب ينفع قلة القيمة قدام مدرسة التمريض اللى هناك دى؟!
أشار بعينه على مكان تجمع الفتيات لتلتفت هى و تجدهم ، ضحكت بخفوت و قالت لهن:
-أخويا الصغير أحمد!!
نظروا له بهيام بينما تقدمت هنا منهما و قالت بدهشة و فرحة:
-مش معقول..كراميله؟!
قال بحنق:
-يلعن أبو الأسم دا اللى مجرسنى بيه فى مصر كلها..مين الأخت؟!
قالت هنا بذهول:
-أنت مش فاكرنى ياض..أنا هنا اللى كانت بتكعبلك و ترميك فى البسين و أحنا صغيرين؟!
حدق بها بصدمة و قال:
-هنا حنفنف؟!
أومأت له فقال بضحك:
-ياااااه و لله زمان يا حنفنف ياخويا..كبرتى أهو و بقيتى أنسة بس زى مانتى مهزقة يا رمة!!
قالت بغيظ و هى تحاول ضربه:
-أنا رمة يا زبالة يا قذر..طب و دينى لمورياك!!
حالت وعد بينهما و قالت و هى تحاول السيطرة على نفسها من الضحك:
-خلاص يا هنا..أنتى الكبيرة معلش!!
أستقامت هنا و هى تقول بغيظ:
-عيل سئيل..أحترم يا معفن أنى أكبر منك!!
نظر لها بإزدراء و قال لوعد و هو يعطى لها حقيبتها:
-شنطتك أهيه و فيها فلوسك و تلفونك عشان متقوليش أخدهم..و رعد هتلاقيه مع البواب عالله يطمر فى أشكالك!!
أخذت حقيبتها و قالت و هى تدفعه للخارج:
-يلا يالا من هنا..جتك نيلة!!
ضحك و قام بتقبيل وجنتها و ذهب ، أستدارت لتجد كلاً من ريتال و داليا و سجيه و سجايا و بانا واقفين أمامها ، أبتسمت لهم فقالت بانا بهيام:
-أخوكى عسل أوى يا وعد!!
بينما قالت سجيه بتسرع:
-هو سينجل و لا لأ؟!
أما ريتال قالت:
-هييييح..لوما أنى أكبر منه لكنت روحت خطبته!!
أنفجرت ضاحكة على الفتيات فقالت هنا بإزدراء:
-على أية دا معفن؟!<
سارعت داليا بقولها:
-حرام عليكى يا هنا دا كيوت خالص!!
قالت سجايا بسخرية:
-من قلة الشباب عندنا ياختى أنتى و هى رايحين تبصوا برا؟!
نظرت لوعد و قالت و هى ترمش عدة مرات:
-زيرو كام بقاا هو؟!
أنت تقرأ
كيف تطفشين عريساً(مكتمله)
Teen Fictionماذا لو قررت عائلتك تزويجك و انتِ فتاة لم تتم بعد عقدها الثانى و كل ذلك بسبب تصرفاتك الطائشة من وجهه نظرهم!!! هل ستخنعين لهم أم ستبدئين فى تنفيذ خطة "كيف تُطفشين عريساً كل حقوق النشر وللكاتبه المبدعه روان ياسين @raro2004
