خلص البارت اللى فات على ان اسيل لبست هدومها وكانت فى استقبال عادل
اسيل لنفسها:معقوله يا اسيل خلاص هتتجوزى اكتر واحد بتحبيه معقول هتبقى انهارده على اسمه وخلاص هتبقى مسئوله عن بيت وجواز وانشاء الله عن اطفال ...وحست بشعور جميل جدا ان هى هتبقى مع حبيبها العمر كله وقامت اتنططت بفرحه وتقول بحبك ياعادل بحبك ياعادل يارب عدى الوقت بسرعه يارب بقااا وفجاه وهى بتدعى سمعت صوت الجرس بتاع الباب قلبها دق بعنف وابتسامه فرح على وشها وخدت نفس طويل وراحت عشان تفتح الباب
اسيل اول مافتحت الباب لقيت عادل واهله فى وشها وعادل اول ماشفها ذهل بجمالها وهمس لها :وحشتينى
اسيل ضحكت بكسوف وقالت لهم اتفضلو وكان والدها منتظرهم وبعدها بشويه وصلو عمر ومريم وايه وفهد وطلعو عند اسيل فوق
اسيل اول ماشافت ايه ومريم خدتهم بالحضن وعادل اتصل عالماذون عشان ييجى
الماذون:بارك الله لكما وبارك عليكما وجمع بينكما في خير
اسيل قلبها دق جامد وخدودها احمرو بشده وضحكت ودمعت فى نفس الوقت وعادل اول مالماذون خلص قام وحضن اسيل جامد ومسح دموعها وابوها فرحان ان هى لقيت شريك حياتها وهو افتكر والدتها وسرح
والد اسيل:ياريتك كنتى معانا دلوقت ياسميحه بنتك بقت عروسه وخلاص لقيت حبها وانشاء الله هتعيش معاه فى سلااام
عادل طلب من والد اسيل ان هو ياخدها معاه بس مش هيطول ووالد ايه وافق لان هى خلاص بقت مراته
عادل خد ايه معاه فى العربيه وشغل اغانى رومانسيه وماسك ايدها وبيبوس فيها كل شويه وفرحان جدا جدا وهى الفرحه مش سيعاها
#عند فهد
فهد خد ايه ومروحوش عالبيت ولكن فهد خد ايه لمطعم مكنش فيه حد خالص غيرهم وطلب من الجرسون يجيب الاكل اللى ايه بتحبه وكلو وفهد طلب منها يقومو يرقصو ورقصو مع بعض وفهد اول ماشال ايه ولف بيها لقيو ورد احمر نازل عليهم وهى فى سرها بتحمد ربنا على النعمه دى
فهد:بتحبيبنى ياايه
ايه:فهد انت احلى نعمه ربنا انعم عليا بيها انا قبلك عشت اسوء ايام حياتى بعد موت والدتى وبابا حاول يعوضنى عنها وجه هو كمان ومات وربنا انعم عليا بيك..انت عارف انا نفسى اقول للدنيا كلها ان انا بحبك وان انت احلى نعمه من ربنا ليااا
فهد:طب وياترى ليه تحكى للناس كلها ياعنى كفايه ان انا وانتى عارفين ان احنا بنحب بعض نفضح نفسنا ليه
ايه:عشان ربنا بيقول واما بنعمه ربك فحدث
فهد فرح جدا هو كمان بالكلام اللى ايه بتقوله وقد ايه حياته بقت جميله من وقت ما ايه دخلتها وهى حياته بقاا حببها جدا قبل كده كان بيكره حياته بسبب اللى عاشه مابين امه وابوه وكانت حياته متخصصه لشغله والسهر براا مع صحابه انما دلوقت بقا عايش عشانها هى وعشان البيبى اللى هييجى منها حتى خوفه مكنش بيخاف الاول انما دلوقت خوفه متمثل فيها هى
