لا اله الا الله ......سيدنا محمدا رسول الله
❤❤❤❤❤❤❤❤❤❤❤❤❤❤
نزلت الكلمه كالصاعقه على اذن يارا وهى لم تستوعب ماتسمعه
يارا:ها
عدى:انا ب.ح.ب.و
يارا:.........
عدى:يارا انا بحبك من اول ماشفتك واتمنيت انك تكونى ليا وانا بصراحه عايز اتجوزك
يارا:........
عدى:ساكته ليه يايارا مش بتتكلمى ليه
يارا بدموع وبتوتر:اا....انا مش عارفه اقول ايه
عدى:يارا هو انتى مش حاسه من ناحيتى بحاجه
يارا بكسوف:حاسه
عدى:ايه هو احساسك من ناحيتى واوعدك اعاملك بنفس الاحساس
يارا:كابتن عدى..اانا....
عدى:بلاش كابتن.خليها عدى بس
يارا:عدى...انا كمان ب....بحبك بس انا خايفه
عدى مسك ايديها ليطمئنها:خايفه من ايه
يارا عيطت:خايفه تروح منى....وابقى وحيده تانى
عدى:حبيبتى طول مانا معاكى مش عاوزك تخافى ابدا
يارا بتوتر وكسوف:طب...طب يلا نقوم عشان انا عايزه انام
عدى بابتسامه لخجلها:يلااا
عدى ويارا دخلو الصالون ولقيو ليلى نايمه..عدى شالها وطلعها على الاوضه ويارا وراهم
عدى:تصبحى على خير
يارا بكسوف وتعض فى شفايفها:وانت من اهله
عدى:يارا لو سمحتى بلاش عضه الشفايف دى عشان انا بتنرفز من الحركه دى
يارا:اوك
ليلى صحيت من النوم:مش كفايه كدا يااستاذ عدى ولاا ايه احنا ستات وعايزين ننام
التفت اليها كل من عدى ويارا
عدى:انتى صاحيه
ليلى:اكيد مش واخده اجازه من النوم وجايه اكلمك ياعنى
عدى راح ليها وفضل يجرى وراها وهى تضحك ويارا بتبتسم بحزن تتذكر حالها مع والدها كانت بهذه الطريقه لتفيق من شرودها على صوت ليلى
ليلى:يلا بقا يايارا عشان ننام
يارا:يلا ياحبيبتى
ذهب عدى الى غرفته وظل يبتسم على حاله وعن اعترافه ليارا بحبه لها ويتذكر ماحدث بينهم من وقت اقامتها فى فلتهم.....ثم ذهب بعدها الى نوم عميق
**********************************
صباح اليوم التالى
عند رعد
رعد قام من النوم وفرحان جدا ان هو خلاص هيكتب كتابه على رحمه حب الطفوله بالنسباله وقرر يروح يكلم والده فى الحوار
رعد راح على مكتب فهد اللى فى الجناح الخاص ليه
رعد خبط عالباب
ودخل فور سماعه لصوت فهد بالدخول
رعد:صباح الخير
فهد:صباح النور يارعد عاوز حاجه
رعد قعد عالكرسى :اااه يابابا.....انا قررت اخطب ويوم الخطوبه هكتب الكتاب
فهد:حيلك حيلك انت مستعجل ليه كده
رعد:معلش يابابا عشان خاطرى....
فهد:اوك وانا موافق
رعد:طب مش تسال هى مين
فهد:مش محتاج اسال منا عارف ان هى رحمه
رعد فتح بوقه جامد من كتر الصدمه
فهد:اقفل بوقك بس.....انا عارف من زمان انك بتحبها وهى بتحبك من نظراتكو لبعض طبعا وفرحت جدا ان هى هتكون من نصيبك......انا هكلم عمر واقوله ونتفق مع بعض
رعد بابتسامه:انت خطير والله يابابا...صدق اللى سماك فهد المخابرات
فهد :يابنى انا اتعودت اخد بالى من ابسط الامور...هى دى اللى بتوضح كل حاجه والحاجه اللى انت مش قادر تعرفها ابسط الامور دى هى اللى بتبينها
رعد:اوك يابابا....انا دلوقت هقوم اروح الشغل عشان متاخرش
فهد:اوك ياحبيبى
