الله اكبر الله اكبر........لا اله الا الله
❤❤❤❤❤❤❤❤❤❤❤❤❤❤
خلص البارت اللى فات على ان رعد وفهد ومازن هيروحو يتغدو مع بعض فى النادى
هما التلاته فى النادى
فهد:ياجماعه..انا عاوز اقولكم على حاجه
مازن ورعد:قول ياسلطان زمانك
فهد:انا قررت اخطب
رعد ومازن :ننننننعععععم....ودى مين دى بقا انشاء الله
فهد:اهدى ياحيوان منك ليه مش تستفهمو الاول ...هو ايه اللى.....ننننننععععم ...وبيخايل عليهم
رعد:ما تخلص يافهد مين هى
فهد:واحده صحبه رحمه اختى
مازن:حلوه
فهد وهو سرحان:قمر....حته بسكوته كده تتاكل اكل ولااا عليها رقه ياض مشوفتهاش
على فكره يارعد انت شوفتها..البنت اللى كانت واقفه مع رحمه يوم الخناقه
رعد:مخدتش بالى منها
مازن:خلاص ياعم الاول اعترفلها بحبك عشان ممكن تكون مرتبطه وانت فى الاخر جبهتك تتطير
رعد:ااااه لازم تعترفلها بحبك
فهد:يعنى انتو شايفين كده
رعد ومازن:ايوااا
فهد:طب اقول لها ازاى فكرولى فى حل يا جماعه
رعد ومازن:اطلب لنا اكل الاول
فهد:اتفووو عليكم ماديين حقيرين
رعد ومازن:شئ مفروغ منه يابيبى
فهد:طيب بس بعد ماناكل تشوفولى حل
رعد:اوك بس يلا عشان احنا واقعين من الجوع
فهد طلب لهم الاكل وبعد ما كلو وخلصو رعد قاله عالخطه
رعد:اسمع بقا ياوحش
فهد:قول يامعلم
رعد:............
*******************************
عند عادل فى البيت
اسيل خدت يارا وقعدو فى البلكونه
اسيل:انتى اسمك يارا صح
يارا بصوت مخنوق وهمس:صح
اسيل:بصى ياحبيبتى اعتبرينى والدتك واحكيلى عنك شويه وانتى باين عليكى بنت ناس وملكيش فى الغلط
يارا بدموع:حاضر هحكيلك
استوووووب
(يارا حمدى...فتاه جميله جدا جدا وطيبه جدا وهى قصيره وجسمها جميل جدا وبيضه وعيونها عسلى ورموشها كثيفه.شعرها لونه بنى )
يارا:انا اسمى يارا حمدى والدى ووالدتى لسه متوفيين من اسبوع فى حادثه.فى الاسبوع دااا عمى خدنى عنده قعدنى فى اول يومين كان بيعاملنى هو ومراته بلطف جدا..تالت يوم جابلى ورق وقالى ان هو لاجراءات شهاده الوفاه وكده بس بعد ما مضيته بعدها بيوم على طول اتغير معايا 180درجه وفى مره وقعت منى كوبايه بنور غصب عنى مسكنى ضربنى جامد ولسعنى بالسيجاره فى كتفى وانا كنت ببكى بحرقه ومراته فضلت تدينى بالقلم على وشى وكل يوم كدا لحد ما طلبت ميراثى عشان امشى من عندهم واشتغل واقعد فى بيت لوحدى لقيته قالى ان انا اتنازلت عن ميراثى كله ليه وانا مصدقتش لحد ما ورانى الورق وقالى امضتك دى ولا مش امضتك وانا معرفتش ارد..اقول ايه ومراته جت ضربتنى وطلعتنى بره البيت وقالتلى مبنقعدش عندنا شحاتين مشيت بالهدوم اللى عليا معرفتش اروح فين مليش حد خالص مشيت وحسيت انا قد ايه مكسوره جدا وبعدها اتنين مشيو ورايا...وانتى عارفه اللى حصل بقا
