غرام الزين
اشهد ان لا اله الا الله ......وان محمدا رسول الله
❤❤❤❤❤❤❤❤❤❤❤❤❤❤
فى أحد الأماكن بالقاهره
زين : دلوقتى العماره هتبقا عباره عن ١٥ دور بس لان لو ذاد عن كده العماره هتقع وانت هتتحمل المسؤوليه وهتتحبس كمان بسببها لأن دى أرواح ناس
الراجل صاحب العماره : يعنى ايه باشمهندس ١٥ دور بس انا عامل حسابى ان هما ٢٠ دور جاى انت دلوقت حضرتك تقول ١٥ دور بس
زين بحده : اولا تتكلم معايا باحترام لانى مش بشتغل عند حضرتك ثانيا أنا مالى أنا درست الأرض وكمان المكان والمكان مينفعش يتبنى عليه اكتر من ١٥ دا اللى عندى وانا مش هسوء سمعتى فى الشغل عشان حضرتك عايزه ٥ ادوار كمان زياده
العميل بغضب : علفكره أنا محترم غصب عنك وانا مش هشتغل مع شركتكو دى سلم شغلك يابشمهندس وانا هشوف شركه تانيه
زين بغضب : حد قالك أن أنا هموت واشتغل معاكم ما تولع العماره وانا مالى هو انا اللى هتاذى ولا انت انت حر اتفضل تيجى تاخد اوراق عمارتك وتتكل
العميل بخبث : ماشى
زين : عن اذنك
راح زين ركب عربيته بغضب واتجه للشركه بتاعته ودخل المكتب بغضب
دخلت السكرتيره وراه بسرعه وبتقدملو اوراق يمضيها
فاطمه السكرتيره : اتفضل يافندم دى اوراق تراخيص عمارات عاوزه تتمضى
زين بغضب : هو انا اذنتلك تدخلى اتفضلى اطلعى بره ولما ااذنلك تدخلى تدخلى وخلى عم عبده يعمل قهوه بسرعه
خدت فاطمه الاوراق بخوف وخرجت بره بسرعه واتنفست براحه
❤️❤️❤️❤️❤️❤️❤️❤️
عند فهد الكبير
رحمه واقفه مع ايه فى المطبخ بيعملوا الاكل
ايه : امال فين الاولاد يارحمه
رحمه ؛ فى الجنينه ياماما بيلعبو
ايه : اوك ياحبيبتى
ايه : بقولك ايه يارحمه طلعى البشاميل من الفرن على ما اعمل السلطه عشان زمانهم على وصول
رحمه : اوك ياماما
فهد ورعد رجعو من الشغل وشافو ياسين واحمد اولاد رعد بيلعبو فى الجنينه
فهد الكبير راح نحيتهم وهما جريو عليه وضموه بقوه وهو حاضنهم بقوه اكبر
ياسين : ازيك ياجدو
فهد : الحمد لله ياحبيب جدو
احمد : ددو ديه ددو ديه ( جدو جيه جدو جيه )
فهد : اه ياحبيب جدو وحشتنى
رعد : ياسلام ياسلام يعنى مفيش حضن لبابى زى جدو ولا ايه
ياسين واحمد جريو على باباهم وحضنوه ودخلوا جوه عالبيت
رحمه اول ما سمعت صوتهم طلعت على بره جرى ورعد طلع على فوق ورحمه طلعت وراه
فهد دخل المطبخ لايه وحاضنها من ضهرها وهى اتخضت ولما عرفت أن هو اتنفست براحه
فهد بيبوس رقبتها : وحشتينى
ايه بابتسامه : وانت كمان وحشتنى جدا ياحبيبى
فهد : عملالنا اكل ايه انهارده
ايه بابتسامه : مكرونه باشاميل وبانيه وسلطه
فهد : امممم أكلتك المفضله ياعنى
ايه : انت لسه فاكر ياحبيبى
فهد بحنان وهو لسه ضاممها : أنا عمرى ماانسى حاجه روحى بتحبها وكمان هى كمان اكلتى المفضله نسيتى ولا ايه ياحبيبتى
ايه : لا ياحبيبى ما نسيتش
: ايه يابابا فى ايه راعى أن أنا سنجل والله ماينفعش كده
فهد وايه بصو وراهم لقيو زين واقف
حاولت ايه تتخلص من قبضه زين ليها ولكن هو مسكها بقوه
فهد : وانت مالك ياحيوان وبعدين انت ايه اللى جايبك من الشركه بدرى كده
زين : اصل انا سيبت العماره اللى كانت لسه هتتبنى الايام دى
فهد باستغراب : اشمعنى
زين : لا يابابا دا موضوع يطول شرحه المهم ماما أنا جعان مووت خلصى الاكل يلا والنبى
ايه : حاضر ياحبيب ماما
فهد : ايه يا ايه فى اى أنا واقف
زين : مش معقول يابابا انت لسه يتغير على ماما ا وكمان منى أنا
فهد : ومغيرش عليها منك ليه ما انت شحط قدامى اهو وكمان اه ياسيدى بغير عليها مش مراتى وحبيبتي
زين بيغمز : ايوه ياعم الله يسهلو
فهد كان لسه هيجرى وراه لكن زين خد ديلو فى سنانو وهرب على فوق
