اشهد ان لا اله الا الله........وان محمدا رسول الله
❤❤❤❤❤❤❤❤❤❤❤❤❤❤
اسيل وعادل ويارا جريو عالمستشفى وسالو الدكتور عن غرفته وراحو له جرى
اسيل اول ماشفته جريت عليه تحضنه
اسيل بدموع:انت كويس ياحبيبى
مازن:اااه والله ياماما كويس انتى بتعيطى كده ليه هو انا جرالى حاجه لقدر الله
اسيل:هو انا كنت هستنى لما يجرالك حاجه ياحبيبى انت متعرفش انا كنت قلقانه عليك اد ايه
مازن بص لابوه بعتاب ان هو قال لامه على المهمه لانه مبيحبش يقول لها لانها بتحاول تمنعه باى طريقه
عادل:بتبصلى كده ليه انا كنت قاعد فى الصالون كافى خيرى شرى لقيتها طالعه من المطبخ بتعيط وبتقولى عاوزه مازن عاوزه مازن
مازن:كفايه بقى ياماما ابوس ايدك دا انا حتى واخدها والراجل هرب منى يعنى واخدها والمفروض اتعاقب كمان
اسيل:يخفى فى ستين داهيه المهم محدش ياحبيبى يجى جمبك ولا يمسك بشعره واحده حتى
مازن:طيب خلاص بقا مش عاوز اشوف عياطك لو سمحتى ياماما
اسيل مسحت دموعها:حاضر ياحبيب ماما
يارا:حمدالله على سلامتك يامازن
مازن:الله يسلمك يايارا
ليلى طلعت على رجل مازن السليمه وباسته من خده وقالتله:الف سلامه عليك يازومى
مازن باسها هو كمان من خدها:الله يسلمك ياقلب زومى....
ليلى:قوم بقا بسرعه عشان هتودينى دريم بارك تانى
مازن:اوك ياحبيبتى
وبعد شويه ياسمين وساره دخلو المستشفى ورنت على فهد عشان ييجى ياخدها
ياسمين:الوو يافهد..انا وصلت المستشفى انا وساره انزل فى اول دور هتلاقينا تحت
فهد:حاضر ياحبيبتى...خليكى عندك وانا هجيلك اهو
ياسمين:اوك ياحبيبى
فهد نزل لياسمين وساره عشان ياخدهم على اوضه مازن
ياسمين دخلت عليهم هى وساره وفهد
ياسمين:سلام عليكم
الكل:وعليكم السلام
ساره:سلام عليكم
الكل:وعليكم السلام
مازن شافها وابتسامه سريعه اترسمت على شفايفه ورعد وفهد ابتسمو بخبث
ساره:حمدالله على سلامتك ياكابتن مازن
مازن وهو لسه متنح ليها:الله يسلمك
ياسمين:حمدالله على سلامتك ياكابتن
مازن وهو لسه مسلط نظره على ساره:الله يسلمك ياياسمين
ساره محرجه اوى من نظرات مازن ليها وبتبص فى الارض وابتسامه كسوف على وشها
فهد راح قعد جمبه وحط ايده على مكان الرصاصه وقاله:اهدى شويه يخربيتك هتاكلها بعينك
مازن تاوه بشده من ايد فهد:اااااااه...الله يخربيتك...قوم اخفى من جمبى
فهد بزعل مصطنع:كده برضو يازومى بتطردنى ماشى يازومى ماشى انا همشى ومعنتش تكلمنى
تانى
مازن:يبقى احسن برضو......يخربيتك هتموتنى
فهد:انا مخاصمك.......تعالى ياياسمين نمشى من هنا عشان انا مخاصم مازن
ليلى:وانت مالك ومال ياسمين....انت اللى مخاصمه مش ياسمين
فهد:لااا ياختى عشان ياسمين مراتى....وهى مينفعش تقعد فى مكان انا مش موجود فيه
رعد:ياحنين......طب غور اخفى يلا
فهد:وانا كمان مخاصمك ياصاحبى او ياللى كنت فاكرك صاحبى
رعد:اخرس ياااض....وبعدين انت مالك قالب على دور خالتى نبويه كده ليه....ماتنشف كده
فهد:الزمن جه عليااا وبقيت دعيييف
رعد:دعيييييف.....اطلع بره يالا
فهد:خلاص ياعم طالع اهو متزوقش طيب......يلا يايويو تعالى معايا
ياسمين بكسوف:يلا
