اللهم لك الحمد كما ينبغى لجلال وجهك وعظيم سلطانك
❤❤❤❤❤❤❤❤❤❤❤❤❤❤
مازن بيبص لساره جامد وابتسامه بلهاء على وجهه وهى اتكسفت جدا ووطت وشها فى الارض
مازن:مين دى ياليلى
ليلى:دى ساره كانت الميس بتاعتى فى الحضانه وانا كنت بحبها جدا يامازن
ساره بزعل مصطنع:ياسلام يالولا يعنى عشان روحتى المدرسه مبقتيش تحبينى
ليلى:لاا والله ياميس انا مقصدتش بس انا بفهم مازن
مازن مد ايده يسلم على ساره
مازن:اتشرفت بحضرتك...انا الرائد مازن اخوها مخابرات قسم اسلحه وتهريب وعندى 26سنه والحمد لله كل حاجه جاهزه
ساره بصت له باستغراب جامد وقالت فى نفسها مجنون دااا ولا ايه وبعد كده بصت ل ليلى اخته وليلى مدت شفايفها بمعنى معرفش
ساره:اااه اهلا وسهلا وانا اتشرفت بمعرفتك....عن اذنكو
مازن مسبش ايديها:انتى رايحه فين
ساره بصت له ورفعت حاجب:نععم..لو سمحت بس سيب ايدى الاول
مازن انتبه لنفسه وساب ايديها فورا.....اااه انا اسف
ساره بابتسامه:لالالا ولا يهمك عن اذنكو
مازن:اتفضلى.وفى نفسه.....يالهوى ايه الشبح داا دى مزه ولا ضحكتها عالم تانى لوحده
ليلى بتشد القميص بتاعه:انت يابنى اييه مالك تنحت ليه....وغمزت له.....حلوه صح
مازن:دى عسل اوى يابت ياليلى حته سكره انتى تعرفى عنها حاجه
ليلى:يعنى مش اوى اللى اعرفه ان هى كانت بتشتغل فى الحضانه بتاعتى عشان هى بتحب الاطفال وكده وسابتها وبقت تروح ملاجئ وتزورها وزى ما انت شايف بتجيبهم كل يوم سبت هنا
مازن:طب والله انتى حته سكره يابت ياليلى وعشان الكلام داا انا هركبك كل الالعاب اللى هنا
ليلى بفرحه:بجد يامازن
مازن شالها وباسها من وجنتيها:بجد ياروح مازن...يلا بقا
ليلى:اوك يلاا
مازن خد ليلى يركبها كل الالعاب اللى ساره تركبها ومش بيشيل عينه من عليها وهى بتضحك وسط الاطفال
استووووووب
(ساره بنت طيوبه جدا ورقيقه جدا جدا بتموت فى الاطفال وكل يوم فى ملجا شكل وبتوديهم الملاهى وبتفرحهم جامد وبتقدر ترسم الابتسامه على وشوشهم كلهم وهى متوسطه الطول.بيضه وعيونها رمادى ومحجبه)
مازن خلص لعب مع ليلى اخته لحد ما الليل جه عليهم وليلى سلمت على ساره
ليلى:ميس ساره هشوفك تانى فى نفس اليوم الاسبوع الجاى
ساره:اااه ياحبيبتى انتى عارفه ان انا مش بتاخر ودايما مواعيدى مظبوطه صح
ليلى باستها من خدها :صح.....يلا باى بقا
ساره:بااى ياحبيبتى...وسلمت على مازن ومشيت وهو فضل مراقبها لحد ما اختفت عن نظره
*********************************
عند فهد الصغير
فهد وهو فى الشغل زين بيضايقه
فهد:واقسم بالله يازين الكلب لو ماسكت لاكون مديك علقه موت
زين:طب بص يامعلم انا هلاعبك لعبه...قچطه
فهد:ايه ياخويا
زين:قچطه...يعنى قشطه ياعنى
فهد بقله صبر:وايه هى اللعبه
زين:بص انا همسك المسدس بتاعك وانت هتقف عالباب هنا وانا هنشل عالباب من فوق راسك تمام
فهد بصله بصدمه ومسكه من قفاه:تنشل على مين يلا هاا تنشل على مين وافرض الرصاصه رشقت فى دماغى هقولك ايه شطوره وبتعرفى تنشلى يابيضه....ياربى هو اللى انا كنت بعمله فى الناس هيطلع عليا...وزقه بعيد وقاله:غوور يلاا من وشى
زين:طيب ياعم متزوقش كده انت حر الله كنت هضيع وقتك بدل ما انت قاعد فاضى كده موركش حاجه
فهد:مين قالك ان انا مواريش حاجه دا انت فى حاجه فى دماغى عمال افكر فيها ومش راضيه تطلع ..وبيقولها وهو سرحان
زين قاعد قصاده وحاطط ايده على خده وبيبصله :امممم وايه كمان ياحنين
فهد وهو سرحان:وجميله
زين:وايه كمان
فهد زى ماهو:ورقيقه
زين:وايه كمان
فهد:و.......وانتبه لنفسه..وراح نازل بالقفا على زين
انت قاعد ياحيوان تستجوبنى وبتستغل نقطه ضعفى
زين:ااااه ايدك تقيله ياعم....بس قولى مين المزه اللى جميله ورقيقه..وبيقولها وهو بيغمز
فهد:قوم ياحيوان روح لاخوك
زين:قايم ياعم وانا يعنى خارج من الجنه
