لا اله الا انت سبحانك اني كنت من الظالمين
❤❤❤❤❤❤❤❤❤❤❤❤❤❤
فى صباح تانى يوم
رعد صحى من النوم وجاله تليفون من العميد بتاعه
رعد:الووو خير يافندم
العميد:رعد......اجهز انت وفهد ومازن وتكونو عندى خلال نص ساعه بالكتير بسرعه يارعد
رعد:تمام يافندم نص ساعه ونكون عند حضرتك
العميد:اوك....سلام
رعد اتصل بسرعه على فهد ومازن وقال لهم يجهزو خلال نص ساعه ويروحو على مقر المخابرات
**************************
فى مقر المخابرات
رعد وفهد ومازن التلاته واقفين بانضباط امام العميد ومنتظرينه يتحدث
العميد:جالنا اخباريه ان النهارده معاد التسليم بتاع حسين الدسوقى وانتو طبعا عارفينه هو قد ايه خطر عليكو فى التعامل معاه بس انا عارف ان انتو قدها وقدود خدو فرقتكو معاكو واتصلو على اهلكو طمنوهم وانشاء الله ترجعو ليهم بالف سلامه ....دلوقتى اقدر اقولكو اتفضلو...جهزو نفسكو خلال ساعه بالكتير تكونو خلصتو وطمنتو اهاليكو عليكم
رعد وفهد ومازن:تمام يافندم
العميد:اتفضلو....ربنا معاكو
التلاته خرجو من مكتب العميد وكل واحد رتح يجهز فرقته واتصلو على اهاليهم
عدى اتصل على والده
عدى:الووو
فهد:الووو ايه يارعد انت فين مفطرتش معانا انهارده ليه
رعد:معلش يابابا اصلى جالى شغل مفاجئ وتنا خلال نص ساعه طالع مهمه صعبه اوى يابابا فبقولك احنا هناجل خطوبتى انهارده اوك
فهد:اولا مش عايز اسمعك بتقول مهمه صعبه لان مفيش حاجه صعبه عالمخابرات وعايزك تركز على اضعف النقاط تمام
ثانيا متقلقش اتصل انت على رحمه وقول لها وطمنها انت بنفسك..ماشى
رعد:تمام يابابا
فهد:يلا ياحبيبى ربنا معاك....سلام
رعد:سلام
.بعدها اجرى اتصال اخر لرحمه
رحمه:الووو رعد.....عامل ايه
رعد:الحمد لله ياحبيبتى......رحمه انا مش هقدر اجى انهارده
تغيرت ملامح رحمه وتلاشت الابتسامه اللى كانت مرسومه على وشها
رحمه:احم......ليه
رعد بتوتر وهو خايف على مشاعرها اللى بتتقلب قبل كل مهمه يقوم بيها:اصل انا....عندى مهمه انهارده ضرورى
رحمه بدموع:ومقولتليش ليه
رعد:والله ياحبيبتى اتفاجئت بيها انا وفهد ومازن
رحمه بعياط:هترجعلى تانى
رعد سمع عياطها وقلبه انشق نصين:اكيد ياحبيبتى انا روحى فيك اصلا...بس والنبى بلاش عياط
رحمه مش قادره تسيطر على نفسها من العياط وشهاقها بيزيد
رحمه:عشان خاطرى يارعد خلى بالك من نفسك وارجعلى علطول انا هستناك
رعد:انشاء الله ياحبيبتى بس اوعدينى انك مش هتعيطى
رحمه:حاضر ياحبيبى......رعد ابقى طمنى عليك والنبى بسرعه
رعد:حاضر ياقلب رعد.......سلام
رحمه:سلام
