اشهد ان لا اله الا الله .....وان محمدا رسول الله
💖💖💖💖💖💖💖
زين وبتول واقفين مع بعض على جبل عالبحر
زين مسك ايديها : بتول أنا بحبك
بتول بصدمه وبرقت عينيها : ايه
زين ضحك على منظرها وقال بنبره حانيه : بحبك
بتول دماغها لفت بيها والرؤيه اتشوشت قدمها وأغنى عليها وكانت هتقع عالارض لولا ايد زين اللى لحقتها
زين اتخض عليها : بتول مالك بتول بتول
وبدأ يخبط على وشها : بتووووول
بتول صحيت : هاااا انت متاكد من اللى انت قولته دا
زين ضحك عليها جامد : ايوا متاكد بحبك جدا كمان
بتول ضحكت ودخلت فى حضنه
بتول : زين تيجى ننزل البحر
زين : تعالى ننزل من عالجبل وتنزل البحر
بتول : لا تعالى ننط من هنا
زين : انتى هبله تنطى منين
بتول : عشان خاطرى وحياتى عندك
زين بنفاذ صبر : طيب
بتول مسكت ايده ونطو هما الاتنين فى البحر
زين وقع عالارض من عالسرير لانه كان بيحلم وحاضن المخده
زين : يخربيتك يابتول من اول يوم وبحلم بيكى امال بعد كده هيحصل ايه يخربيتك وابتسامه زينت ثغره على طفوله بتول حتى فى الحلم
زين قام دخل الحمام خد شاور ولبس هدومه عباره عن بنطلون جينز اسود وقميص أبيض وبليزر اسود وصفف شعره باحترافيه ووضع البرفيوم الخاص تبعه ونزل يفطر مع عيلته
زين نازل من عالسلم وهو سرحان جدا فى الحلم وبيحاول يفتكره من أوله
رحمه شافته ونادت عليه
رحمه : زين
زين : .......
رحمه : زين
زين ......
رحمه بزعيق : ولااااااااااااا
زين اتنفض : ايييه عايزه ايه
رحمه : بقالى ساعه بنادى عليك مالك
زين ؛ هااا لا مفيش حاجه المهم كنتى عاوزه ايه
رحمه : ولاااا أنا عارفاك ومتتوهش كنت سرحان فى مين ..وقالتها بغمزه
زين بضحك : ملكيش حل انتى
رحمه : يووه قول بقا وبطل غلاسه مزه جديده ياسطا
زين : بقا فى دوكتوره محترمه زيك تقول مزه وياسطا
رحمه ؛ مش أنا قولت
زين : اه
رحمه ببساطه : يبقى في بس عالعموم ومن الواضح أن الموضوع فيه مزه ولو عايز تحكى انا موجوده اشطااا
زين بضحك على مرات اخوه : اشطاا ....المهم فى فطار ولا لا
رحمه : اه ياخويا فى كده كده انا كنت طالعه اناديك
زين : طيب يلا
رحمه : لا انزل انت وانا هطلع انادى رعد
زين : ماشى
طلعت رحمه تنادى رعد واول ما دخلت الاوضه لقيت اللى بيشدها من خصرها جامد
رحمه بشهقه : اخص عليك يارعد خضيتنى
رعد بحده : ايه اللى موقفك مع زين
رحمه : عادى يعنى كنت هناديه عشان ينزل يفطر
رعد بحده : طب وانتى عشان تناديه تفضلى تضحكى معاه عالسلم انتى وهو
رحمه : رعد انت بتغير من اخوك
رعد : اه طبعا انا بغير عليك من ولادنا مش هغير من اخويا
رحمه : علفكره زين اخويا زى ماهو اخوك بالظبط
رعد : برضو تقللى كلام معاه سمعانى
رحمه بدلال : اوك ياحبيبى ولكزته فى صدره بخفه اضحك بقا
انفلتت منه ضحكه غصب عنه : ماشى
رحمه : يلا بقا ننزل نفطر معاهم تحت
رعد جذبها من خصرها مره اخرى وقال بمكر: لا تعالى هنا انتى لسه متعاقبتيش على اللى عملتيه
ولسه هتتكلم قطع كلامها بقبله عنيفه وكانه عقاب بالنسبه لها وحملها عالسرير و.........
