اشهد ان لا اله الا الله ........وان محمدا رسول الله
❤❤❤❤❤❤❤❤❤❤❤❤❤❤
عدى اليوم بسلام على جميع أبطالنا
فى المساء
فرح واقفه قدام الدولاب مش عارفه تلبس ايه محتاره جدا اول مره تكون فى الحيره دى
طلعت من الدولاب دريس نبيتى جميل جدا جدا ولفت عليه طرحه بيضه أوف وايت وحطت ميك أب خفيف جدا جدا وكانت قمر بمعنى الكلمه
نزلت خدت تاكسى وراحت عالمطعم اللى هتشوف فيه احمد
اول مانزلت من العربيه لقيت احمد فى انتظارها بره المطعم وخدها ودخل بيها وقعدو فى المطعم
احمد اول ماشفها تنح من شده جمالها وقال فى نفسه:يالهوووى انا كنت مغفل للدرجه دى ومش شايف القمر داا كله قدامى....اجمد كده يا احمد عشان تعرف تقول الكلمتين
فرح قاعده متوتره وفرحانه وخايفه ومبسوطه وحبه مشاعر كده فوق بعض
فرح بإحراج:احم....حضرتك كنت عايزنى ليه
احمد:لحظه بس
واتفاجئت ان الناس اللى فى المطعم مشيو ومفضلش غير احمد وفرح...ولفى المكان ضلم فجاه وفرح بتخاف من الضلمه
فرح بخوف :دوكتور احمد.....حض حضرتك انت فين انا خايفه
احمد:اهدى متخافيش انا معاكى.
لتتفاجئ بنور احمر خافت يشتعل ومعه نور ابيض بسيط وتجد نفسها امام ارض مليئه بالورد الاحمر وقلب احمر فى المنتصف بالورد ومكتوب تحته بالورد بحبك يافرحه عمرى
فرح بصدمه:انا مش فاهمه حاجه
احمد قعد على ركبته قدامها وهو بيبتسم وبيقول:انا بحبك يافرح....تتجوزينى
لتنهمر الدموع فجاءه من عيون فرح بسعاده وتضحك بخفه وهى بتقول:وانا كمان بحبك جدا جدا جدا.......واكملت بصوت عالى....بحباااااااااااك
احمد قام من مكانه وشالها وضمها جاااامد ولف بيها فى المكان وتتفاجئ بورد احمر يتساقط عليهم من اعلى..
احمد:بحبك يا اجمل واحلى فرح فى الكون كله
فرح دموعها ذادت وهى بتعيط مش قادره تستوعب لسه اللى بيحصل لها
احمد مسح ليها دموعها:ممكن اعرف بتعيطى ليه دلوقتى
فرح بعياط:مش مصدقه لسه اللى بيحصلى بقا انا بقالى خمس سنين استناك بس عشان تبصلى وفى الاخر تعمل كل دااا معايا والله ما مصدقه
احمد:عارفه لو مكنتش طردتك من المحاضره مكنتش هشوف الوش القمر دااا خالص ولاا هاخد بالى منه
فرح:يااااه ياريتنى كنت انطردت من زمان
احمد:لا عاش ولا كام اللى يعمل كده
بالمناسبه بقا انا انشاء الله هاجى بكره عشان اتقدم تمام
فرح بسعاده مش قادره تسيطر عليها:اوك
احمد باس راسها وايديها وقالها:ترقصى معايا
فرح بكسوف:امممم....اوك
احمد حط ايده على خصرها وهى حطت ايدها على كتفه وبداو يرقصو مع بعض
احمد وهو بيرقص معاها زاد من احتضانها ليه وهى حاسه ان الارض مش شيلاها هة حاليا فى حضن حبيبها اللى اتمنته من الدنيا
فرح:اقولك على سر
احمد باس ايديها:قولى
فرح:مش متخيلاك خالص ان انت اللى بترقص معايا لااا وكمان عامل جو رومانسى مش متخيلاك
احمد:ليه بقا انشاء الله
فرح:ياعنى...اصل اللى يشوفك فى الجامعه ميشوفكش دلوقت انت فى الجامعه بتشخط فى داات وتهزق داا وتامر داا يعنى وبصراحه لما كنت بتفرض علينا مشاريع نعملها كنت بفضل اشتم فيك شتيمه
احمد ضحك بصوته كله؛ليه بقا مش كل دااا لمصلحتكو....على كده بقا الدفعه كلها بتكرهنى وبتشتم زيك كدا
فرح:علفكره بقا الدفعه كلها بتحبك وخصوصا البنات وانا بصراحه لما كنت بشوف بنت بتتكلم عنك او بتشكر فيك كان بيبقى هاين عليا اقوم اكلها بسنانى
احمد:ههههه مفيش حد اصلا ملك قلبى غيرك ولا اى واحده تقدر تاخد مكانك فى قلبى
