جيت مابيك تحقرني جيت أبيك تعز شاني

79

قفل الخط بوجهاااا ...حست الدنيا تلف فيها من اللي وصله لها قبل يقفل ......
رمت الجوال وهي تتحلف فيه ..هين يا صقر
أنا تلعب من وراي ..وبعد توديها للفندق لا لا كذا السالفة كبيره وكبيره حيل ...بسرعة اتجهت للغرفة وأخذت
العباية ...صادفت عبيرر طالعة من المطبخ دفتها عن طريقها
سألتها بفضول وهي مصدومه من حركتها : بسم الله وش فيك كذا معصبه

طلعت بدون ماترد عليها أبد ماهو وقتها الحين
هالدلوعة ...تدري بشيء وتروح توصل لأمها
وتشمت فيها عند صديقاتها ...خليها تتأكد وبعدها تعرف وشلون تتصرف ...دقت على عزيز
بس رجع وقفل بوجهاا ...حالفه بعد ماتعرف منه سالفة الحرمه اللي مع صقر ....
لا تقتله ...بعد سواته فيها ولعبه بحسبتها بهالشكل ماتوقعت ...واحد بالميه انه ...يسوي فيها كذا طول عمرها تتعامل مع رجال يهابونها ويخافون منها ...
أشرت للسواق ...يروح للفله وبتشوف ...بنفسها وبعدها تعرف تتصرف ...نزلت ..وبسرعة دخلت شافت ...شمس جالسه بالصاله تلف بولد اصايل اللي يصيح طنشتها وهي قرفانه ناقصها شوفتهم الحين ...ولا صايح ولد الكلب ذا ...كل شيء صار بسبته المعفن لو مانشغلت بسالفة السيدي اللي حط بيده كان ماخلت صقر يضيع من يدها وماتدري وش يسوي من وراها ...راحت للغرفة
وقفت مصدومه يوم ماحصلت له أثر ...مخليته وهو يقول انه تعبان وبينام وينه الحين ...لا شكل عزيز صادق هالمره ...رجعت طلعت وهي تمشي بعصبيه وقهرر ...والله لا تذبحه الليله
أنا الجوهرة يخوني ...بسرعة دقت على زيد أول ماسمعت صوته قالت بقهر : ليت ذي المرة يطلع شيء منك يفيد قولي بسرعة عزيز جنبك

طالع عزيز وهو ينفث الدخان قال بتوتر :كم مره قلت لك لعاد تدقين على رقمي

الجوهرة بقهر صرخت : عشتوووو ميته عليك صرخت بقهر اعطني الزفت لو جنبك

قال بقهر :ايه الحين تقولين كذا بعد ماورطيني وربي رقبتي ماتطير كذا وأنا مالي ذنب كله منك قصيتي علي ...

عضت شفتها بقهر هذا ...وقت هالكلام ..يقول له قدام عزيز ..سمعت صوت عزيز وهو يقول :ماراح تطير بكون شاهد معك وشاهد ضدها

صرخت بعصبيه : عزيز يازفت ليه هالحركات الحين وأنت مأخذ حقك وزياده

طالع زيد وقال : أخذت حقي متى شفت شيء
اعطتني هالعجيز

عضت شفتها وصرخت على استخفافه فيها
: عزيز ياتبن قولي وين شفته باي فندق بسرعة اعطني العنوان واخلص علي

صفق يد بيد وقال بتسفزاز يذبح : يالله ياشيخه
أقولك رقبتك ورقبة ذا المسكين يمكن تطير وأنت مشغله عقلتس بالشايب صقر وضرب على كتف زيد عز الله كديت خير يا زيد ياخويي ورطت نفسك مع ناس تخلي الكبيرة وتمسك بالصغيره

صرخت بقهر هذا اللي بيفضحها قالت بعصبيه : كله من زيد اللي مخليك تستقوي علي
إلا كان يا زباله ماتقدر تسوي شيء بلحالك
لكن هين وربي الآثنين بقبركم مع بعض