جيت مابيك تحقرني جيت أبيك تعز شاني

بارت 2

حطت الضيافه وقالت بغرور : مافي أحد عارف مصلحتي كثر من نفسي ي اليت توفري هالنصائح لنفسك ي تغريد ومدت لها فنجان القهوه ...

تغريد بضيق مدت يدها وأخذته منها : صدقيني ي الشموخ بتضيعي حالك لو أخذتي مصعب ...إنسان وقح وكله حقد وبعد حطي على هالصفات عديم مسؤوليه ...
..
الشموخ بقهر وعصبيه رمت السكين من يدها بعد ماقطعت الحلا :كل ذي الصفات فيه وراضيه . آيش عندك وخذيها على بلاطه وريحي بالك أخوك ماراح آخذه وقولي له يكفي مراسل ي وجهه استح ..ورفعت حاجب على ماظن مافي بعد هالحكي حكي ....

تغريد حطت فنجان القهوه وقفت بزعل: كيفك أجل واخوي بدور له الي تسواك بعد ...ماراح يموت بعدك ...

الشموخ ابتسمت بسخريه : طولتيها وهي قصيره تغريد أشرت على الباب
تغريد طلعت وهي معصبه ....أخوها ذلها ...جالس يضغط عليها...عشان يأخذها ....وهذي قليلة حيا ماتحترم أحد يكفي هالطرده الي حصلتها ..ركبت السيارة مع السواق وهي معصبه حدها ...رجعت البيت نزلت بسرعة دورت عليه بالبيت ماحصلته دقت عليه عشان تقوله ويفكها .... يوم سمعت صوته قالت
بعصبيه : سلطان خلاص كفاية لهنا يكفي ذل والله ماتبيك
سلطان ضغط على الجوال بقهروقال وهو صاك على سنونه :خلاص قفلي

تغريد قفلت من عندة وهي حزينه عليه ...ندمت انها راحت ..لها...مغروره ..حدها وعشان أخوها متحمله بس لهنا وخلاص..بس آه ليتها حكمت عقلها شوي ..وماخبرت بهالشكل ..قربت من امها الي جالسة تتقهوى بالصاله ابتسمت لها وقالت : كيفها ام سلطان ...
ام سلطان عقدت حواجبها مستغربه: غريبه راجعه بدري الي اعرفه إذا رحتي للشموخ ماترجعي الا متأخر ويالله بكم كلمه بالعظم .....

تغريد ابتسمت بضيق قربت منها وحطت رأسها على صدرها وهي حزينه على أخوها أخذت نفس : عشانك راجعه بدري لأنك دايم ..تتضايقي وآلحين عشانك رجعت زفرت ب آه مكتومه .. السبب الي رجعني يمه ..لأنها تكلمت على ((الغالي))

@
@
@
@

@
@
@
أول مادخل البيت حس بضيق وده يفتح مع أمه ..سالفة الزواج شافها .نزلت من الدرج ...وهي مستعجله ...ابتسم على جنب بسخريه :السهره صباحي مثل العاده ي ام عناد ..

ام عناد بقهر : عناد خلاص كفايه تعقيد ارحمنا صدق مصعب يوم يقول .. ((جوك نكد ))

عناد عض شفته بصبر : جوي نكد يمه ...

ام عناد وهي مستعجله : تبي شيء ترا حدي متأخره

عناد بضيق : يمه الله يهديك فكري بعمرك

ام عناد وجها انشد بعصبيه : عمري وش فيه بسم الله علي الي يشوفني مايقول انت ولدي ....
عناد قاطعها : يقول اني أخوك خلاص يمه فهمت هالحكي ينعاد
علي كل مره قرب منها وسلم فوق رأسها همس لها : تكفين عشان خاطري ارجعي بدري الليله ...

ام عناد حاست بوزها بقهر من هالولد الي عقدها.. زوجها معطيها الحريه ولدها ناشب لها رفعت يدها بدون مبالاه لطلبه : يصير
خير
عناد هز رأسه بتحسف .. مدام قالت هالكلمه أجل السهرة صباحي
وده يفهم وش مستفيده منه ..ماغير جمعة حريم على الفاضي
كل يوم حاحزين مكان شكل ... وبعد ليت تقدر عمرها ....
فلوس زوجها ..عمت عيونها ....آه يمه ...ليت ترجعي البسيطه الي خابرك ...رفع حاجب وهو يشوف الخدامة طالعه من غرفته قال بحده : مين قالك ادخلي غرفتي كم مره محذرك ..